1- Ad sẽn be wẽeng rãmbã pʋgẽ, yaa neb nins dũni yikrã sẽn na n paam-b tɩ b ket n vɩ, la neb nins sẽn rɩk yaadã tɩ yaa miisa

2- , Wẽnd kẽed-a-la arzãna a sẽn tʋg n tʋm tɩ yaa a soab fãa gilli

3- Ned ning sẽn kollɑ keelem soɑbɑ, mɑa ɑ bɑsɑ bũmb tɩ lʋɩ sɑmdẽ wã, sɑm soɑbã yĩngɑ, Wẽnd kẽesd-ɑ-lɑ Al-Arsã mɑɑsmẽ dũni yikr rɑɑrã, rɑɑr ning mɑɑsem sẽn kɑ be tɩ sã n kɑ A mɑɑsmã

4- Ad yãmb na n yãa y Soabã, wala yãmb sẽn ne kiu-kãngã wã, la yãmb ka maand sik a yãabã pʋgẽ

5- Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã

6- Ad Wẽnd na n yiisa ned mam poorẽ rãmbẽ wã, bõn-naandsã taoore, yikrã raarã

7- wakat ning Wẽn d sẽn wa n naan arzãnã la Bugmã, A tʋmsa a Gibriila, tɩlgr be a yĩnga

8- Rẽenem b sẽn na n bʋ nebã ne taab sʋka dũni yikr raarã yaa zɩɩmẽ wã

9- Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka

10- Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã?

11- Rẽ yĩnga, m ka na n togs yãmbã, yẽsg sẽn kẽed ne a Dagεεl yelle, Nabiyaam baa a yembr ka tol n yẽs a nebã ne-a? La ad a yaa nin-feoogo, la ad a na n waame n tar wala arzãn la Bugum buudu

12- Laa ɩlaaha ɩlla Allaah= soab sẽn na n tũ sɩd-sɩd ka be, sã n pa Wẽnd ye, wɩɩbd be ne laarab-rãmb ne yel-wẽng sẽn kolge, b paka a Yaaguug la a Maaguug gɩdrã rũndã wala wãndɩ

13- Rẽ yĩnga, m ka na n kõ yãmb arzãn kẽedbã kibare? Ad yaa nin-valenga b sẽn valemds a soaba, a sã n wẽen ne Wẽnd t'a na maneg yelle, a sɩd manegdame. Rẽ yĩnga m ka na n kõ yãmb kibare ne Bugum koambã: yaa koko-kεgeng soaba, sẽn yaa rɩ-toog soaba n yaa waoog-m-meng soaba

14- Lɩslaamã b sã n sok-a yaoogẽ wã, la a sẽn maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma

15- B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã

16- Yamb nao-kadem a yiibã ka na n zẽke, halɩ tɩ b wa tʋg n sok-a a vɩɩmã a sẽn sεεs-a zĩig ningã, la a bãngrã, a sẽn tʋm bũmb ning ne-a, la a arzεkã, yaa yε la a paam-a la a kẽes-a-la yεεnẽ, la a yĩngã a sẽn kʋɩdg-a zĩig ningã

17- Yãmb mii talg bɩɩ?

18- Ka tar sẽn yaa sãnem bɩ wanzur soaba, sẽn ka kõta Zaka, rẽndame tɩ dũni yikr raarã b rɩkd-a lame n maan piisds sẽn yaa Bugum sɑ-tʋʋlse

19- Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare

20- Yel-kãngã na n taa zĩig fãa yʋng la wĩndg sẽn taẽ, la Wẽnd ka na n bas tẽng pʋgẽ roto, A ka na n bas gãnd zagse, rẽndame t'A kẽes-a dĩin-kãngã

21- Ad Wẽnd ka wẽgd muunim baa yel-sõmd a yembr ye, A kõt-a-la dũni wã neemã sẽn tũ ne yel-sõmdã la A leb n rol-a rol sõngo laahr raare

22- Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle

23- Dũni wã ka na n yiki halɩ tɩ raoa wa pɩʋʋg a to yaoogo, n yetẽ: kato, m sã n rag be yãwã zĩigẽ wã, ra sãoome

24- Dũni ka na n yiki, halɩ tɩ yãmb wa tʋg n zab ne Yahuud-rãmbã, halɩ tɩ kugr ning yahuud sẽn solg a soab poorẽ wã wa yeele: «lɩslaamã! Wa kaanẽ, tɩ woto yaa Yahuudã sẽn be mam poorẽ, wa kʋ-a

25- M wẽen ne Naab ning mam yõorã sẽn be A Nugẽ wã, keta bilf t'a Maryam biig sig yãmb pʋgẽ, t'a Bʋʋdã yaa tẽeg tɩrga, n kao pikã, la a kʋ kurkuyã, la a bas yõor yaoob reegre, tɩ arzεkã wʋsge, halɩ tɩ ned baa a yembr ka reegd-a ye

26- Dũni wã ka yikdi halɩ tɩ wĩntoogã wa tʋg n puk a sẽn lʋɩtẽ wã, rẽnd a sã n wa tʋg n puk a sẽn lʋɩt zĩig ningã, tɩ nebã yã-a, b fãa gill na n kõo sɩda

27- Dũni wã ka yikd halɩ tɩ zãmaanã

28- Wẽnd koonda tẽngã n wẽbg-a la A kool saagã ne A rɩtgo, rẽ poorẽ t'A yeele: Maam la Naabã, tẽngã nanamsã bεε?

29- Mam bãkã Wẽnd sẽn waoog maam ne-a wã laahr raarã, a woglemã yaa kiuug kẽnd tεka, a koomã peelem yɩɩda bĩisim, t’a yũugã noom yɩɩd misk parfẽ

30- M na n bee bãkẽ wã, n get ned ning sẽn na n wa yũ yãmb pʋgẽ, la b na n gɩdga neb tɩ b ra ta maam ye, tɩ mam yeele : « m Soab a Wẽnde, ad bãmbã yaa mam nebã, b yaa mam poorẽ rãmbã

31- m wẽen ne a Mohammad yõorã sẽn be Ning nugẽ wã, ad bãkã ko-teesã waooglemã yɩɩda saaga ãdse la a bõn-witi

32- B na n waa ne kũum t’a wõnd pesg sẽn tẽgse

33- Yãmb dũni bugmã yaa Gεhannam Bugmã sẽn pʋɩ zĩis pîs-yopoe bεk a yembre

34- Wẽnd Tẽn-tʋʋma, -Wẽnd Tẽn-tʋʋma, Wẽnd pʋʋsg la A tɩlgr be a yĩnga-, yẽsa tõndo, yẽnda me la sɩd soaba b sẽn kõt a soab goɑm sɩdã, a yeelɑme: «ad yãmb yembr fãa, b tigimda a naanegã, a ma wã pʋgẽ rasem pis-naas la yʋnd pis-naase,

35- Nabiyaamã, (Wẽnd pʋʋsg la A tɩlgr be a yĩnga), tẽega bũmb yell n yeele: “ ad rẽnda yaa bãngr loogr

36- rẽ yĩnga ka Soab ning sẽn da kẽnes-a a nao wã zugu dũni wã, Yẽ ka tar tõog n na n kɩt t’a kẽn a nengã zugu, yikr raarã?

37- {Rẽ poorẽ b na sok yãmba, raaren-kãngã, neema wã yelle.}

38- Ad neb n na n zĩndi, zamaan yaoolem mam poorẽ dãmbẽ wã, n yẽsd yãmb ne kibay nins yãmb sẽn ka wʋme, y yaab-rãmb ka wʋme, bɩ y gũus y mens ne-ba

39- Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam

40- Ned ning sẽn rulsa Sʋʋrat Al-kahf rẽenem Aayae piigã, a paamda gũudum n yi daggεεli» la togsg a to pʋgẽ: « sẽn yi Sʋʋrat Al-kahf yaoolem Aayae-rãmbã

41- Wẽnd tigimada rẽenem rãmbã la yaoolem rãmbã zĩ-peell a yembr pʋga, tɩ boaandã wʋmsd-b fãa gilli, tɩ nin ne-b lame, tɩ wĩndgã pẽnege, tɩ nebã wa tʋg n ta keelemã la yɩɩgrã b sẽn ka tõe