إعدادات العرض
ئهرێ ئهز تشتهكی دهربارهی دهججالی بۆ ههوه نهبێژم كو چ پێغهمبهران بهری من بۆ مللهتێ خۆ بهحس نهكربیت؟ ئهو یێ كورهیه ب چاڤهكی و ئهو دێ…
ئهرێ ئهز تشتهكی دهربارهی دهججالی بۆ ههوه نهبێژم كو چ پێغهمبهران بهری من بۆ مللهتێ خۆ بهحس نهكربیت؟ ئهو یێ كورهیه ب چاڤهكی و ئهو دێ هێت و دێ تشتهكێ وهكی بهحهشت و جههنهمێ د گهلدا بیت،
ئهبو هورهیره (خودێ ژێ ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت: «ئهرێ ئهز تشتهكی دهربارهی دهججالی بۆ ههوه نهبێژم كو چ پێغهمبهران بهری من بۆ مللهتێ خۆ بهحس نهكربیت؟ ئهو یێ كورهیه ب چاڤهكی و ئهو دێ هێت و دێ تشتهكێ وهكی بهحهشت و جههنهمێ د گهلدا بیت، ڤێجا ئهوا ئهو دبێژیتێ بهحهشته؛ ئهو ب ڕاستی جههنهمه، و ئهز ههوه ژێ هشیار دكهم وههوه ژێ دترسینم ههروهكی چاوا نووحی مللهتێ خۆ ژێ ترساندی».
الترجمة
العربية বাংলা Bosanski English Español فارسی Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Kiswahili Português සිංහල دری অসমীয়া Tiếng Việt Svenska Yorùbá Кыргызча ગુજરાતી नेपाली മലയാളം Română Nederlands Soomaali پښتو తెలుగు Kinyarwanda ಕನ್ನಡ Српски Moore ქართული Čeština Українська Magyar Македонски Lietuvių Azərbaycan Wolof Malagasy Oromoo ไทย Deutsch मराठी ਪੰਜਾਬੀ አማርኛ O‘zbek ភាសាខ្មែរ Shqip தமிழ் မြန်မာالشرح
پێغهمبهر (صهلات و سهلامێن خودێ ل سهر بن) صهحابییان ئاگههدار دكهت دهربارهی دهججالی و سالۆخهت و نیشانێن وی ب تشتێن وهسا كو چ پێغهمبهران بهری وی بهحس نهكربوون، ژ وان ژی: كو ئهو ب چاڤهكی یێ كورهیه. و كو خودایێ مهزن تشتهكێ وهكی بهحهشت و جههنهمێ دایه د گهل وی، ئهڤه ژی ل بهر چاڤێن مرۆڤان هۆسایه. بهلێ بهحهشتا وی جههنهمه و جههنهما وی بهحهشته، ههر كهسێ گوهدارییا وی بكهت؛ ئهو دێ وی كهته د وێ بهحهشتێدا ل بهر چاڤێن خهلكی، بهلێ ئهو ئاگرهكێ سۆژهكه، ههر كهسێ سهرپێچییا وی بكهت؛ ئهو دێ وی كهته د ئاگرێ خۆدا ل بهر چاڤێن خهلكی، بهلێ ئهو بهحهشتهكا خۆشه. پاشی پێغهمبهری (صهلات و سهلامێن خودێ ل سهر بن) ئهم ژ فتنهیا وی هشیاركرین و ترساندین، ههروهكی چاوا نووحی مللهتێ خۆ ژێ ترساندی.فوائد الحديث
مهزناهییا فتنهیا دهججالی.
ڕزگاربوون ژ فتنهیا دهججالی دێ ب ڕاستگۆیییا د باوهرییێدا بیت و ب پهنابرنا بۆ دهڤ خودێ و داخوازكرنا پاراستنێ ژێ د تهحیاتا دویماهیكێدا، ههروهسا ب ژبهركرنا دههـ ئایهتێن دهستپێكێ ژ سورهتا (الكهف).
ڕژدبوونا پێغهمبهری (صهلات و سهلامێن خودێ ل سهر بن) یا دژوار ل سهر ئوممهتا وی، ب هندێ كو هندهك سالۆخهتێن دهججالی بۆ موسلمانان ڕوهنكرن یێن چ پێغهمبهرێن دی بهری وی بهحس نهكرین.