إعدادات العرض
ငါကိုယ်တော်၏ အွမ္မသ်ထဲ၌ နောက်ပိုင်းတွင် လူတစ်ချို့ပေါ်ပေါက်လာလိမ့်မည်။ ၎င်းတို့သည် အသင်တို့နှင့်…
ငါကိုယ်တော်၏ အွမ္မသ်ထဲ၌ နောက်ပိုင်းတွင် လူတစ်ချို့ပေါ်ပေါက်လာလိမ့်မည်။ ၎င်းတို့သည် အသင်တို့နှင့် အသင်တို့ဘိုးဘွားများပင် မကြားဘူးသောအရာများကို အသင်တို့အားပြောဆိုတင်ပြကြလိမ့်မည်။
အဗူဟူရိုင်ရဟ်(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)မိန့်ကြားတော်မူသည်။ ငါကိုယ်တော်၏ အွမ္မသ်ထဲ၌ နောက်ပိုင်းတွင် လူတစ်ချို့ပေါ်ပေါက်လာလိမ့်မည်။ ၎င်းတို့သည်အသင်တို့နှင့် အသင်တို့ဘိုးဘွားများပင် မကြားဘူးသောအရာများကို အသင်တို့အားပြောဆိုတင်ပြကြလိမ့်မည်။ သို့ဖြစ်၍ အသင်တို့သည် ၎င်းတို့နှင့်ဝေးဝေးနေကြကုန်။
الترجمة
عربي English Svenska cs ગુજરાતી አማርኛ Yorùbá Nederlands اردو Bahasa Indonesia ئۇيغۇرچە বাংলা Türkçe සිංහල हिन्दी Tiếng Việt Hausa తెలుగు Kiswahili ไทย پښتو অসমীয়া دری Кыргызча Lietuvių rw so नेपालीالشرح
တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် မိမိမရှိသည့်နောက် မိမိအွမ္မသ်၌ နောက်ပိုင်းတွင် ဖြစ်ပေါ်လာမည့် ကိစ္စနှင့်စပ်လျဉ်း၍ အသိပေးမိန့်ကြားတော်မူခဲ့သည်။ ၎င်းမှာ မုသားစကားပြောသူများပေါ်ပေါက်လာခြင်းဖြစ်ပြီး ၎င်းတို့သည် မိမိတို့အရင်က မည်သူတစ်ဦးတစ်ယောက်မျှ မပြောဆိုခဲ့သော လုပ်ကြံဖန်တီးထားသည့် ဟဒီးဆ်များကို ဆင့်ပြန်ကြလိမ့်မည်။ ထို့ကြောင့် ကိုယ်တော်မြတ်(ဆွလ္လလ္လာဟုအလိုင်းဟိဝစလ္လမ်)က ကျွန်တော်တို့အား ၎င်းတို့နှင့်ဝေးစွာရှောင်ကြဉ်ရန် အမိန့်ပေးခဲ့သည်။ ထို့အပြင် ထိုသို့ လုပ်ကြံဖန်တီးထားသည့်စကားများကို စိတ်ထဲ၌စွဲသွားကာ ဖယ်ရှားရန် မတတ်စွမ်းနိုင်ခြင်းမျိုး မဖြစ်စေရန်အတွက် ၎င်းတို့နှင့် အတူထိုင်ခြင်း၊ ၎င်းတို့၏ စကားများကို နားထောင်ခြင်းမပြုကြရန် အမိန့်ပေးတော်မူခဲ့သည်။ သို့ဖြစ်၍ ကျွန်တော်တို့သည် ဟဒီးဆ်တော်တစ်ပုဒ်အား မှန်ကန်ခိုင်လုံကြောင်း မစစ်ဆေးမီအလျင် လက်ခံခြင်း၊ဖြန့်ချိခြင်း မပြုလုပ်ရပါ။فوائد الحديث
ဤဟဒီးဆ်တော်တွင် ကိုယ်တော်မြတ် နဗီတမန်တော်ဖြစ်ကြောင်း သက်သေလက္ခဏာများအနက်မှ လက္ခဏာတစ်ခုပါရှိသည်။ ၎င်းမှာ ကိုယ်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် မိမိ၏အွမ္မသ်ထဲတွင် မကြာမီဖြစ်ပေါ်လာမည့်ကိစ္စရပ်တစ်ခုကို အသိပေးမိန့်ကြားတော်မူခဲ့ပြီး ထိုကိစ္စသည် ကိုယ်တော်မိန့်ကြားခဲ့သည့်အတိုင်းဖြစ်ပေါ်လာသည်။
အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)နှင့်ပတ်သက်၍လည်းကောင်း၊ အစ္စလာမ်သာသနာနှင့်ပတ်သက်၍လည်းကောင်း လိမ်လည်ပြောဆိုသူကို ဝေးစွာရှောင်ကြဉ်ရမည်ဖြစ်ပြီး ၎င်းတို့၏ မုသားစကားများကို နားထောင်ခြင်းမပြုရပါ။