موسوعة الأحاديث النبوية

إعدادات العرض

dees na jegeele aji-gëm ji Boroomam bu màgg bi ëllëg bis-pénc, ba mu teg suturaam ci kawam, di ko saxalal ay bàkkaaram

  1. الرئيسية
  2. Wolof
  3. dees na jegeele aji-gëm ji Boroomam bu màgg bi ëllëg bis-pénc, ba mu teg suturaam ci kawam, di ko saxalal ay bàkkaaram

dees na jegeele aji-gëm ji Boroomam bu màgg bi ëllëg bis-pénc, ba mu teg suturaam ci kawam, di ko saxalal ay bàkkaaram

Jële nañu ci Safwaan ibn Muhris mu wax ne: jenn waay dafa wax Umar yal na leen Yàlla dollee gërëm naka nga dégg Yonnente Yàlla bi yal na ko Yàlla dolli xéewal ak mucc di ko wax ci dée ga? Mu ne: dégg naa ko mu wax ne: "dees na jegeele aji-gëm ji Boroomam bu màgg bi ëllëg bis-pénc, ba mu teg suturaam ci kawam, di ko saxalal ay bàkkaaram, di naan ko: ndax xam nga? Mu naan: ay Sama Boroom xam naa, mu ne ko: man maa la ko suturaaloon ca àdduna, maa la ko jéggal tay, ñu jox ko téerey ay rafet-rafetam, bu dee yéefar yi ak naaféq yi, dañu leen di woo ci kanamu mbindeef yi naan ñii ñooy ñi weddi Yàlla".

[Wér na] [Al-buxaariy ak Muslim dëppoo nañu ci génnee ko ci seen ñaari téere yi gën a wér]

حفظ

حفظ الحديث بصيغة PDF

الترجمة

العربية বাংলা Bosanski English Español فارسی Bahasa Indonesia Tagalog Türkçe اردو 中文 हिन्दी Français Tiếng Việt Hausa Kurdî Kiswahili Português සිංහල Русский Nederlands অসমীয়া ગુજરાતી አማርኛ پښتو ไทย മലയാളം नेपाली Magyar ქართული తెలుగు Shqip Македонски Svenska

الشرح

Yonnente bi yal na ko Yàlla dolli xéewal ak mucc day xibaare ni Yàlla di déeye jaamam biy aji-gëm ëllëg bis-pénc, mu wax ne: Dees na jegeele aji-gëm ji ci Boroomam ëllëg bis-pénc mu teg ci kawam suturaam ga wolif way-taxawaay ba ba kenn du gis mbóotam ku dul moom, mu ne ko: Ndax xam nga bàkkaar sàngam ak sàngam...di ko saxalal bàkkaar yi dox ci diggante jaam bi ak Boroomam. Mu naan: waaw waaw yaw sama Boroom. Ba bu aji-gëm ji jàqee daal di tiit, Yàlla Aji-Sell ji be ko: man maa la ko suturaaloon ca àdduna, maa la ko baal tay, ñu jox ko téerey rafet-rafetam. Bu dee yéefar bi ak naaféq bi dees leen di woo ci kanamu way-teew yi: ñii ñooy ñi weddi Yàlla, rëbbum Yàlla yal na tege ci kaw tooñkat yi.

فوائد الحديث

Ngëneelu Yàlla ak yërmàndeem ñeel aji-gëm yi ci suturaal leen ci àdduna ak allaaxira.

Ñaaxe ci suturaal aji-gëm ji saa su manee nekk.

Jëfi jaam ñi yépp Boroom jaam ñi takk nabko, ku fa fekk yiw na sabt Yàlla, ku fa fekk leneen bu mu yedd ku dul boppam, moom moo ngi ci ron coobarey Yàlla.

Ibn Hajar nee na: hadiis yi dañuy tegtale ne moykat yu gëm yi ëllëg bis-pénc ñaari xaaj lañu: bi ci njëkk: ku ay moyam nekk vi digganteem ak Boroomam, hadiisu ibn Umar tegtale ne xaaj bii ñaari xaaj la: xaaj boo xam ne: ay moyam dañu ko ko a suturaalal ci àdduna, te bii mooy bi Yàlla di suturaalal bis-pénc, loolu mooy liñu wax. Ak xaaj bob: ay moyam dees koy fésal, déggiinu hadiis bi wane ne mooy safaanu loola, ñaareelu xaaj bi: ku ay moyam nekk ci digganteem ak jaam ñi ñoom it ñaari xaaj lañu batay: xaaj bob: ay ñaawteefam moo not ay rafet-rafetam, ñooñu danañu tàbbi sawara topp ñu génn fa ci ag tinu, ak xaaj bob: seen i ñaawteef k seen i rafet-rafet ñoo yem, ñooñu duñu dugg àjjana ba ba fayyoontoo di am seen diggante.

التصنيفات

Gëm bis bu mujj ba