إعدادات العرض
Lyuwa lya mbesi, Mlungu tachisagula nikum'bilanga mundu jumo mu wandu wakuma mu likuga lyangu pa meso pa iumbe yosope kuti am'balanjisye masengo gakwe,
Lyuwa lya mbesi, Mlungu tachisagula nikum'bilanga mundu jumo mu wandu wakuma mu likuga lyangu pa meso pa iumbe yosope kuti am'balanjisye masengo gakwe,
Ngani jikupitila kwa Abdullah mwanache jwa Amru mwanache jwa Al-A'swi -Mlungu asangalale nawo wosopewo- watite kuti: Mtume jwa Mlungu -chanasa ni utendele wa Mlungu iwe pa jwelejo watite: "Lyuwa lya mbesi, Mlungu tachisagula nikum'bilanga mundu jumo mu wandu wakuma mu likuga lyangu pa meso pa iumbe yosope kuti am'balanjisye masengo gakwe, ni tachinkopochesya mabuku gakwana 99 gamasengo gakwe gakusakala gawaji ali mkamula pa chilambo chapasi, ulewu wa buku jine jilijose saw kwakumalila meso kulola, kaneko Mlungu tachiwecheta kuti: muyayalembedwe mu mabuku gelega, pana chamkuchikana kuti nganimtenda? kapena achimalaika wangu wakulemba nikusunga masengo ga chikapolo wamtesile lupuso -kumpondelesya? Mundu tachijila kuti: iyayi, mwe Ambuje. Mlungu ni tachiwecheta kuti: ana mkwete umboni wakudandaula kuti mkapedwa ilagasyo pa yamwalemwisye? mundu jula tachijila :iyayi, mwe Ambuje. Mlungu ni tachiwecheta kuti: mwejo nkwete yambone kwetuwe, lelo jino kwangali kumpondelesya m'mwejo. Ni tijikoposyedwa kadi jelembe malo ganti "Ash-hadu an la ilaha illa Allah wa Ash-hadu anna Muhammadan abuduhu wa rasuluhu", Mlungu ni tachiwecheta kuti: m'biche najo sikelo jenu, mundu jula nitachiwecheta kuti: mwe Ambuje, kadi aji mpaka jitende chi ni mabuku gosopega? Mlungu tachiwecheta kuti: nditu, mwe ngampondelesyedwa, ni wawechete kuti: kaneko mabuku ga masengo gakusakala gala tigawichidwa mbali jimo ja sikelo, mbali jine ja sikelo tachiwika kadi jajikwete malowe gala, ni tigapepuka mabuku gala ni tijisitopa kadi ja malowe gala,pangali chindu chimpaka chisitope papali lina lya Mlungu".
الترجمة
العربية English မြန်မာ Svenska Čeština ગુજરાતી Yorùbá Nederlands اردو Español Bahasa Indonesia ئۇيغۇرچە বাংলা Bosanski සිංහල हिन्दी Tiếng Việt Kurdî Hausa മലയാളം తెలుగు Kiswahili پښتو অসমীয়া Shqip دری Ελληνικά Български Fulfulde ಕನ್ನಡ Кыргызча Lietuvių or Română Kinyarwanda Српски тоҷикӣ O‘zbek नेपाली Moore Wolof Soomaali Tagalog Français Azərbaycan Українська Português Bambara தமிழ் Deutsch ქართული Македонски فارسی Magyar Русский 中文 ភាសាខ្មែរ Malagasy Oromoo ไทย Dansk मराठी ਪੰਜਾਬੀ Türkçe Lingala Italiano አማርኛ rnالشرح
Mtume-chanasa ni utendele wa Mlungu iwe pa jwelejo -akusala kuti lyuwa lya mbesi Mlungu tachisagula mundu kuma mu likuga lyakwe, nikuwika nawo pa meso pa iumbe yosope ni tachiwilanjidwa kuti awalanjisidwe masengo ga gawakamulaga pameso pa iumbe yosope yene tachiwilanjidwa kuti awalanjidwe masengo gakwe, nitachimlosya jwalakwejo ibuku y masengo gakwe ga chabe yakwana 99 ulewu wa buku jilijose mpela kugalechela maso gakwe kulola. Kaneko Mlungu tachiwecheta kwa jwele munduju kuti: ana pana inkukanila mu iyalembedwe mu mabuku gelega? Ana malaika gangu gakulemba ni kusunga masengo ga wandu amtesile lupuso (kumpondelesya)? Mundu jula tachiwecheta kuti: iyayi, mwe Ambuje. Mlungu tachiwecheta kwa mundu jula kuti: ana mkwete ligongo limpaka mkolanje kuti masengo gakusakala gamwatendaga pa chilambo cha pasi? ilewiyo mwatendaga mwakuliwalila, kapena mwangosi kapena mwa ujinga. Mundu jula tachiwecheta kuti: iyai, mwe Ambuje,jwangali chanti nikuwecheta mwakulichenjela. Mlungu tachiwecheta kuti: yakuona, nambo nditu mwe mkwete yambone yamwatesile ni twamsunjile,, nditu mwe ngamtendedwa lupuso (kupondelesyedwa) lelo jino. Ni Mtume-chanasa ni utendele wa Mlungu iwe pa jwelejo- wawechete kuti: ni tijikoposyedwa kadi jajilembedwe malowe ganti : "Ash-hadu an lailaha illa Allah wa Ash-hadu anna Muhammadan abuduhu wa rasuluhu". Mlungu tachiwecheta kwa mundu jula kuti: m'biche najo sikelo jenu. Ni mundu jula tachiwecheta mwakusimonga: Ee mwe Ambuje! Kadi aji mpakana jitende chi naga kujiwika pa sikelo pamo ni mabuku gelega? Mlungu tachiwecheta kuti: lelo jino mwe ngamtendedwa lupuso (kupondelesyedwa). Ni Mtume -chanasa ni utendele wa Mlungu iwe pa jwelejo-watite kuti : mabuku ga masengo gakusakala gala tigawichidwa mbali jimo ja sikelo, Kadi ja malowe gakuwichila ujika wa Mlungu ni utume wa Muhammad, tijiwichidwa mbali jine ja sikelo; ni tijichipepuka mbali jatijiwichidwa mabuku ga masengo gakusakala jila,ni tijisitopa mbali jatijiwichidwa Kadi jajikwete malowe gakuwichila umboni wa ujikape wa Mlungu ni utume wa Muhammad, ni Mlungu tachimkuluchila mundujo.فوائد الحديث
Ukulu wa malowe gakuwichila umboni ya ujikape wa Mlungu: kuwichila umboni kuti pangali Mlungu jwakuwajilana kupopeledwa mwa chakuonadi nambo Mlungu jumope, ni usito wa malowe gelega pa sikelo.
Nambo ngagakukwanila malowe ganti: pangali Mlungu jwakumpopela mwa chakuonadi nakaweje Mlungu jumope, pagambakugawecheta ni lulumipe basi, nambo yakusosekwa kuti mundu asimanye ngopopelelo sya malowe gelega ni kamulaga masengo mwakamulana ni ngopolelosyo.
Kamula masengo gambone pakusaka kumsangalasya Mlungu jikape, nikola chikulupililo cha machili pakulupilila ujikape wa Mlungu, liwele ligongo lyakululuchilidwa ilewi.
Kuchimbichika kwa chikulupililo cha mundu, ikusajimila pakuchimbichika kwa ikandu yaili m'mitima mu yakusana kamula masengo pakusaka kumsangalasya Mlungu jikape, pana wandu wane wakusawecheta malowe gelega, nambo nikujakupedwa ilagasyo ga Mlungu mwakulandana ni ilewi yawo.