إعدادات العرض
Bantu! Enda nimuntege amatwi mwumve, mbega burya ntibizoshika ko umuntu ashikirwa n'inyigisho yakiriwe ivuye kuri jewe, yiyicariye ku nyegamo yiwe agashoka avuga ati: "Ico dukwiye kwisunga twebwe na mwebwe, ni Igitabu c'Imana Allah
Bantu! Enda nimuntege amatwi mwumve, mbega burya ntibizoshika ko umuntu ashikirwa n'inyigisho yakiriwe ivuye kuri jewe, yiyicariye ku nyegamo yiwe agashoka avuga ati: "Ico dukwiye kwisunga twebwe na mwebwe, ni Igitabu c'Imana Allah
Mu vyakiriwe na Al-Miqdaadi mwene Ma'diikarib (Imana Allah Imwishimire) yavuze ko Intumwa y'Imana (nyakugira amahoro n'impuhwe z'Imana Allah) yavuze iti: "Bantu! Enda nimuntege amatwi mwumve, mbega burya ntibizoshika ko umuntu ashikirwa n'inyigisho yakiriwe ivuye kuri jewe, yiyicariye ku nyegamo yiwe agashoka avuga ati: "Ico dukwiye kwisunga twebwe na mwebwe, ni Igitabu c'Imana Allah, turamutse dusanze muri co ingingo z'ibirekuwe tuzobikora; turamutse naho dusanzemwo ingingo z'ibizira, tuzobiziririza". Burya rero mu vy'ukuri, ivyaziririjwe n'Intumwa y'Imana (nyakugira amahoro n'impuhwe z'Imana Allah) ni nk'ivyaziririjwe n'Imana Allah".
الترجمة
العربية Kurdî English Kiswahili Español اردو Português বাংলা Bahasa Indonesia فارسی தமிழ் हिन्दी සිංහල Tiếng Việt മലയാളം Русский မြန်မာ ไทย پښتو অসমীয়া Shqip Svenska Čeština ગુજરાતી Yorùbá Nederlands ئۇيغۇرچە Bosanski Hausa తెలుగు دری Ελληνικά Български Fulfulde ಕನ್ನಡ Кыргызча Lietuvių or Română Kinyarwanda Српски тоҷикӣ O‘zbek नेपाली Moore Wolof Tagalog Soomaali Français Azərbaycan Українська Bambara ქართული Deutsch Македонски Magyar 中文 ភាសាខ្មែរ አማርኛ Malagasy Oromoo Dansk मराठी ਪੰਜਾਬੀ Türkçe Lingala Italianoالشرح
Umuvugishwamana (nyakugira amahoro n'impuhwe z'Imana Allah) yaramenyesheje ko mu vy'ukuri hagiye gushika ibihe, hazoboneka abantu baja ng'aho bakiyicarira, aho uzosanga umwe muri bo yiyicarira ku nyegamo, maze yashikirwa n'inyigisho yakiriwe ku Muvugishwamana (nyakugira amahoro n'impuhwe z'Imana Allah), akavuga n'agasuzuguro n'akantu ngo icodukiranura twebwe namwe mu vyo tutumvikanyeko, ni Qor'ani ntagatifu gusa, kandi ibirimwo birakwiye kuba vyodukiranura, hagize ingingo dusangamwo rero y'ikirekuwe tuyubahirize maze tugikore, hagize naho ingingo y'ikizira dusangamwo duheze tucamirire kure mu kutagikora. Hanyuma Umuvugishwamana (nyakugira amahoro n'impuhwe z'Imana Allah) yarerekanye kandi ko mu vy'ukuri, ikintu ico ari co cose yaziririje canke akakibuza mu migenzo n'inyigisho vyiwe, kiba gifise uburemere bw'ingingo nk'iyicaziririjwe n'Imana Allah mu Gitabu cayo ca Qor'ani; kuko Umuvugishwamana ari we ashikiriza ubutumwa buvuye ku Mana yiwe Rurema Allah.فوائد الحديث
Kwubaha n'ukwubahiriza imigenzo n'inyigisho vy'intumwa nka kurya nyene hubahwa hakubahirizwa Qor'ani.
Ukwumvira Intumwa (nyakugira amahoro n'impuhwe z'Imana Allah) kuba ari ukwumvira Imana Allah; n'ukugabitanya kuri yo kuba ari ukugabitanya ku Mana Allah Nyenuguhabwicubahiro nta ngere.
Ukwemeza ko imigenzo n'inyigisho vy'intumwa ari itegeko ryisungwa, harimwo n'inyishu itomoye ku bareka canke bahakana ko ryoba itegeko ryisungwa mu gufata ingingo.
Uwirengagije imigenzo n'inyigisho vy'Intumwa, maze akibwira ko yokwubahiriza gusa Qor'ani yonyene, aba yirengagije vyompi, aba ari n'umunyakinyoma mu kwibwira ko akurikiza Qor'ani.
Biri mu vyerekana ukuri ku buvugishwamana bw'Intumwa (nyakugira amahoro n'impuhwe z'Imana Allah) kuba mu gihe imenyesheje ikintu ko kizoba muri kazoza, giheza kikaba nka kurya nyene yabimenyesheje.