إعدادات العرض
?Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã
?Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã
Yii a Miƙdaam ɭbn Ma’adiikarab -Wẽnd yard be a yĩnga- a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: «Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã bal n be d sʋka, bũmb ning tõnd sẽn mik Wẽnd Gafã pʋgẽ tɩ yaa halaalã, d na n maaname tɩ yaa halaale, la d sẽn mik a pʋgẽ tɩ yaa haraam d na n maaname tɩ yẽ yaa haraam, la hadiis ka pak tõnd ye, la b bãng tɩ bũmb ning Wẽnd Tẽn-tʋʋmã -Wẽnd pʋʋsg la A tɩlg be a yĩnga- sẽn harm-a, a yaa wala Wẽnd sẽn haram bala».
الترجمة
عربي Kurdî English Kiswahili Español اردو Português বাংলা Bahasa Indonesia فارسی தமிழ் हिन्दी සිංහල Tiếng Việt മലയാളം Русский မြန်မာ ไทย پښتو অসমীয়া Shqip Svenska cs ગુજરાતી አማርኛ Yorùbá Nederlands ئۇيغۇرچە Türkçe Bosanski Hausa తెలుగు دری el bg ff it kn Кыргызча Lietuvių mg or ro rw Soomaali Српски тоҷикӣ uz नेपालीالشرح
Nabiyaamã -Wẽnd pʋʋsg la A tɩlgr be a yĩnga- kõta tõnd kibare, tɩ zãmaan n pẽnege, tɩ neb kõbg n na n zĩnd beenẽ, ned fãa kɩll a kʋgs zugu, tɩ Nabiyaamã, -Wẽnd pʋʋsg la A tɩlgr be a yĩnga- hadiis wa tʋg n ta a nengẽ, t’a yetẽ : « bũmb ning sẽn kaood bʋʋd tõnd ne yãmb sʋka yεlã pʋgẽ, ad yaa Alkʋrãanã bala, a seka tõndo, tõnd sẽn mik bũmb ninga Alkʋrãanã pʋg tɩ yaa halaalã tõnd na n tʋma ne rẽ, la d sẽn mik a pʋgẽ tɩ yaa haraam d na n zoe n zãag-a lame ». Rẽ poorẽ, tɩ Nabiyaamã -Wẽnd pʋʋsg la A tɩlgr be a yĩnga-vẽnege n wilg tõnd tɩ ad bũmb fãa gill Nabiyaamã sẽn harmã maa a gɩdgame, a Sunnã pʋgẽ, ad yẽnda bʋʋdo yaa wala Wẽnd sẽn gɩdg bũmb ningã A Gafã pʋgẽ, bala yaa Nabiyaamã la ned ning sẽn taasd a Soabã koεεgã.فوائد الحديث
Bee hadiisã pʋgẽ, b sõmb n zɩsga Sunnã wala b sẽn zɩsgd Alkʋrãanã ,la b leb n reegd-a wa b sẽn reegd Alkʋrãanã.
Hadiisã wilgdame tɩ Tẽn-tʋʋmã tũudum, a yaa wala Wẽnd tũudum, la a kɩɩsg yaa Wẽnd kɩɩsgo, A Naam zẽkame.
Hadiisã leokda neb nins sẽn rat n na n lebs hadiis-rãmbã, la b kɩɩsd-ba.
Ned ning sẽn wa n ball n bas hadiis-rãmba, n yeel t’a na n kell n seka a meng ne Alkʋrãanã, bɩ a soab bãng tɩ yẽnda ballame n bas b yiibã fãa gilli, a bãng t’a yaa zĩri-be-neda, sẽn yagd t’a tũuda Alkʋrãanã.
Bee hadiisã pʋga, yεla sẽn wilgd tɩ Nabiyaamã -Wẽnd pʋʋsg la A tɩlgr be a yĩnga- sɩd yaa nabiyaama, ne a sẽn kõ kibar bũmb sẽn na n wa yɩ sẽn wate, t’a sɩd wa yɩ wala Nabiyaamã sẽn togsã.