الشرح

मरुभूमिमा बस्ने एक गाउँलेले रसूल (सल्लल्लाहु अलैहि वसल्लम) लाई सोधे : कयामत (प्रलय) कहिले आउँछ ? उहाँले (जवाफ दिनुको सट्टा) उसलाई सोध्नु भयो: तिमीले यसको तयारीको लागि के राम्रो कर्महरू गरेका छौ? प्रश्नकर्ताले जवाफ दिए: मैले यसको तयारीको लागि कुनै ठूलो काम गरेको छैन, तर यो निश्चित छ, म अल्लाह र उहाँका रसूल (सल्लल्लाहु अलैहि वसल्लम) लाई माया गर्छु । उनले अरू कुनै आध्यात्मिक, भौतिक वा आर्थिक उपासनाको उल्लेख गरेनन्; किनभने यी सबै उपासनाहरू प्रेमका शाखाहरू र त्यसैका परिणाम हुन् । दोस्रो, साँचो प्रेमले मानिसलाई पुण्य कर्म गर्न उत्प्रेरित गर्छ । उसको जवाफ सुनेर नबी (सल्लल्लाहु अलैहि वसल्लम) ले भन्नुभयो: पक्कै पनि तिमी जसलाई माया गर्छौ स्वर्गमा उसैसँग हुनेछौ । नबी (सल्लल्लाहु अलैहि वसल्लम) का सहाबा(साथी)हरू यो सुसमाचारबाट धेरै खुसी भए । त्यसपछि अनस (रजियल्लाहु अन्हु) ले भने: उनी अल्लाहको नबी (सल्लल्लाहु अलैहि वसल्लम), अबू बकर र उमर (रजियल्लाहु अन्हुम) लाई माया गर्छन् र उनीहरूले गरे जस्तो कर्महरू गर्न नसके पनि उनीहरूसँगको प्रेमले गर्दा उनीहरूसँग हुने आशावादी छन् ।