الشرح

ណាពី ﷺ បានប្រាប់អំពីលក្ខណៈសម្បត្តិមួយចំនួនរបស់អ្នកឋានសួគ៌និងអ្នកឋាននរក។ ភាគច្រើននៃអ្នកឋានសួគ៌គឺ ជាមនុស្សដែលទន់ខ្សោយដែលត្រូវគេមើលងាយ មានន័យថា៖ រាបសា ឧនលំទោនចំពោះអល់ឡោះ បន្ទាបខ្លួនចំពោះទ្រង់ រហូតដល់មនុស្សមួយចំនួនមើលងាយនិងប្រមាថដល់រូបគេថាជាមនុស្សទន់ខ្សោយ។ បុគ្គលដែលបន្ទាបខ្លួនចំពោះអល់ឡោះនេះ ប្រសិនបើរូបគេស្បថនឹងអល់ឡោះ ដោយសង្ឃឹមលើព្រះពររបស់អល់ឡោះ នោះអល់ឡោះនឹងបំពេញសម្បថរបស់ជននោះ សម្រេចឱ្យនូវអ្វីដែលរូបគេបានស្បថ និងឆ្លើយតបចំពោះសំណើរ និងការសុំបួងសួងរបស់គេ។ ហើយភាគច្រើននៃអ្នកឋាននរកគឺជាមនុស្សដែលឃោរឃៅ ឆេវឆាវ ចូលចិត្តជម្លោះ និងប្រព្រឹត្តទង្វើអាក្រក់, ជាមនុស្សលោភលន់ ចូលចិត្តប្រមូលទ្រព្យសម្បត្តិ មានរាងកាយធំ មានចរិតអាក្រក់, ជាមនុស្សក្រអឺតក្រទម បដិសេធការពិត និងមើលងាយអ្នកដទៃ។