إعدادات العرض
Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã…
Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare
Yii a Gεεbr ɭbn ʿAbd Allaah nengẽ, (Wẽnd yard be b yiibã yĩnga), tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame: «Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare»
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Português Nederlands Tiếng Việt অসমীয়া ગુજરાતી Kiswahili پښتو සිංහල ไทย മലയാളം नेपाली Magyar ქართული తెలుగు Македонски Svenskaالشرح
Nabiyaamã vẽnegdame n wilgdẽ (Wẽnd pʋʋsg la A tɩlgr be a yĩngɑ), tɩ ned ning sẽn yeela a sẽn wat n wʋmd laandaan boaandã sẽn wat n boondẽ, a sẽn wat n sε wã poorẽ: (Alllahuma Rabba haḏihi ad-daʿawat), m Soab A Wẽnde, sẽn yaa bool-kãensã Soabã, boaalã me la laandaanã gom-biisã, b sẽn boond n tʋgd Wẽnd tũudmã la Pʋʋsgã ne gom-biis ninsã (at-taammati), sẽn pidã, sẽn yaa Wẽn-yembg boollã la tẽn-tʋmdã (waṣ-ṣalaat al-ƙaa'imati) la Pʋʋsg ning sẽn na n yalsã, (aatɩ) la F kõ a (Mʋhammadan al-wasɩɩlata) Radgã, yẽ me la dargε sẽn zẽk arzãnã pʋgẽ, sẽn ka sõmb ne ned baa a yemb rẽnda yẽnda, (Wẽnd pʋʋsg la A tɩlgr be a yĩngɑ) la (walfaḍɩɩlata) yɩɩdlemã, yaa dargε sẽn na n paas tɩ yɩɩg bõn-naandsã dargε-rãmba, (wabʿaṯhu) la F kõ-a (maƙaaman mahmuudan) yalsg zĩig b sẽn pẽgd-a a pʋgẽ, yẽnda me la sugs kãsengã dũni wã yikr raare, (allaḏɩɩ waʿadtahʋʋ), Foom a Wẽnd sẽn pʋlm-a ne dargε ningã, ne A koεεg sẽn yeele: {Tɩ sãnd-sãnde fo Soabã na taas foom pẽgr zĩigẽ} rẽnd yẽ soabã na n yɩɩ Nabiyaamã (Wẽnd pʋʋsg la A tɩlgr be a yĩngɑ). Rẽnd ned ning sẽn kosa ne doaag-kãngã, yaa tɩlae ne-a Nabiyaamã Sugsgã (Wẽnd pʋʋsg la A tɩlgr be a yĩngɑ) dũni yikr raare.فوائد الحديث
Wilgda sãri wã sẽn kõ sor ne doaag-kãnga, b sẽn wat n togs laandaanã t'a wa sε poorẽ, la ned ning sẽn ka wʋma laandaanã, yẽ soab ka yet doaagã ye.
Wilgda Tẽn-tʋʋmã (Wẽnd pʋʋsg la A tɩlgr be a yĩngɑ) yɩɩdlem ne b sẽn kõ-a radgã la yel-sõm kasengã la pẽgr yalsg zĩigã la sugs kãsengã, na n paam n bʋ bõn-naandsã ne taab sʋka.
Hadiisã tabendame tɩ Nabiyaamã tara sugsgu (Wẽnd pʋʋsg la A tɩlgr be a yĩngɑ), ne a sẽn yeele: "mam Sugsgã na n yɩɩ halaal ne a soabã dũni wã yikr raare".
Nabiyaamã Sugsgã (Wẽnd pʋʋsg la A tɩlgr be a yĩngɑ) na n yɩɩ ne zũnuub bεdã rãmba, sẽn be a poorẽ rãmbẽ wã, sẽn na yɩl tɩ b ra kẽ Bugmẽ wã ye, maa ned ning sẽn paam n kẽ-a t'a sugs tɩ b yiis-a beenẽ, maa a na n sugsa neb tɩ b kẽ arzãnã tɩ ka tũ ne geelg ye, maa b zẽk neb nins sẽn kẽ arzãnã dargε-rãmba.
A At-Tiibiy yeelame (Wẽnd na yols-a), sẽn na n sɩng a sɩngrã n tʋg n tãag Mʋhammad rasʋlʋllaahã" ad yaa yẽnda la boolg ning sẽn gũbgu, la hayyaa 'alas-salaatã, yẽnda la Pʋʋsg ning sẽn yãsã, ne A koεεg sẽn yeele: "B yalsda Pʋʋsgo" wala sẽn tõe t'a raabã sẽn yet "As-salaat, Pʋʋsgã yaa doaagã, la a al-ƙaa'imati ning sẽn duumdã, a maanã yaa wala ned sẽn yãs ne bũmbu, tɩ b yeel t'a duumame, rẽnd sã n yaa woto, a koεεgã sẽn yeel tɩ (waṣ-ṣalaat al-ƙaa'imati= Pʋʋsgã sẽn yãsã) a yaa vẽnegr sẽn wilgd kosg sẽn pidi, la tõeeme t'a raabã yaa Pʋʋsg ninga nebã fãa sẽn mi wã, tɩ b boond n tʋgd-a wã wakat-kãngã, la gom-kãngã n vẽneg n yɩɩda.
Al-muhallab yeelame (Wẽnd na yols-a): bee hadiisã pʋgẽ, pirsg tɩ b kos Pʋʋsgã wakat-rãmb pʋgẽ, bala a yaa wakat b sẽn tẽed tɩ b na reeg doaaga.