فوائد الحديث

دڵنیابوون لە ڕوودانی قیامەت.

قیامەت لە سەر خراپترینی خەڵکی هەڵدەستێت.

حەرام بوونی دروست کردنی مزگەوت لە سەر گۆڕەکان یان نوێژکردن لە لایان یان بەرامبەریان ئەگەر بنیات وگومەزەیشی لە سەر دروست نەکرابێت، چونکە (مسجد - مزگەوت) ناوێکە بۆ ئەو شوێنەی کە سوجدەی تێدا دەبرێت ئەگەر بیناش نەبێت وچوار دیوار بە دەوریدا نەبێت.

ئاگادارکردنەوە لە نوێژکردن لە لای قەبرەکان چونکە ئەمە هۆکارێکە بۆ شیرک وهاوبەشدانان بۆ خوای گەورە.

ئەوەی گۆڕی پیاوچاکان بکاتە مزگەوت بۆ ئەوەی نوێژی تیا بکات ئەوا ئەو کەسە لە خراپترینی بوونەوەرەکانە، وئەگەر مەبەستیشی ئەوە بێت کە لە خوای گەورە نزیک ببێتەوە.

ئاگادارکردنەوە لە ئەنجامدانی شیرک وهاوبەشدانان بۆ خوای گەورە و ئاگادار کردنەوە لە ئەو هۆکار و وەسیلانەی کە دەبنە هۆی ئەنجامدانی شیرک وئاگادارکردنەوە لە ئەو شتانەش کە دەبنە هۆی نزیکبوونەوە لە هۆکارەکان، وئەگەر مەبەست ونیازی ئەنجامدەرەکە هەرچییەک بێت لەو وەسیلە وهۆکارانەدا.

موعجیزەیەکە بۆ پێغەمبەر -صلى اللە علیە وسلم- کە ئەوەی هەواڵی داوە سەبارەتی ڕوویداوە ئەویش بریتیە لە دروستکردنی مزگەوت لە سەر گۆڕەکان.