إعدادات العرض
Мусулмон қабрида сўралса: «Аллоҳдан ўзга илоҳ йўқ ва Муҳаммад Аллоҳнинг элчиси», деб гувоҳлик беради
Мусулмон қабрида сўралса: «Аллоҳдан ўзга илоҳ йўқ ва Муҳаммад Аллоҳнинг элчиси», деб гувоҳлик беради
Баро ибн Озиб разияллоҳу анҳудан ривоят қилинади: «Расулуллоҳ соллаллоҳу алайҳи ва саллам айтадилар: «Мусулмон қабрида сўралса: «Аллоҳдан ўзга илоҳ йўқ ва Муҳаммад Аллоҳнинг элчиси», деб гувоҳлик беради. Аллоҳ таоло бу ҳақида айтадики: «Аллоҳ иймон келтирганларни бу дунё ҳаётида ҳам, охиратда ҳам собит сўз ила собитқадам қилур» [Иброҳим: 27].
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Hausa Kurdî Kiswahili Português සිංහල دری অসমীয়া Tiếng Việt Svenska Yorùbá Кыргызча ગુજરાતી नेपाली Română മലയാളം Nederlands తెలుగు پښتو Soomaali Kinyarwanda ಕನ್ನಡ Српски Moore ქართული Čeština Magyar Українська Македонски Lietuvių Azərbaycan Wolof Malagasy Oromoo ไทย Deutsch मराठी ਪੰਜਾਬੀ አማርኛ ភាសាខ្មែរ Shqip தமிழ் မြန်မာالشرح
Мўмин киши қабрда сўроқ қилинади. Уни бу ишга вакил қилинган икки фаришта — Мункар ва Накир сўроққа тутади. Бир қанча ҳадисларда уларнинг номлари мана шундай келган. Шунда мўмин: «Аллоҳдан ўзга илоҳ йўқ ва Муҳаммад Аллоҳнинг элчисидир», деб гувоҳлик беради. Пайғамбар соллаллоҳу алайҳи ва саллам: «Бу Аллоҳ таоло Қуръонда айтган собит сўздир», деб қуйидаги оятни ўқидилар: «Аллоҳ иймон келтирганларни бу дунё ҳаётида ҳам, охиратда ҳам собит сўз ила собитқадам қилур» [Иброҳим: 27].فوائد الحديث
Қабр сўроғи ҳақдир.
Аллоҳнинг Ўз мўмин бандаларига дунё ва охиратда «собит сўз» (тавҳид калимаси) билан собитқадам қилиб қўйиши Унинг катта фазл-карамидир.
Тавҳид калимасининг («Ла илаҳа иллаллоҳ»нинг) фазли ва шу калима билан вафот этишнинг фазилати.
Аллоҳнинг мўмин кишини дунёда иймонда маҳкам туриш ва тўғри йўлдан (Сиротул мустақимдан) юриш билан, вафот этаётганда тавҳид ила жон таслим қилиш билан, қабрда эса икки фариштанинг сўроғи пайтида собитқадам қилиши.
التصنيفات
Барзах ҳаёти