إعدادات العرض
لا إله إلا الله، تیاچوون بۆ عەرەب لە شەڕێک کە نزیک بووەتەوە، ئەمڕۆ ئەوەندە لە دیوارە مەزنەکەی پێش یەئجوج ومەئجوج کرایەوە
لا إله إلا الله، تیاچوون بۆ عەرەب لە شەڕێک کە نزیک بووەتەوە، ئەمڕۆ ئەوەندە لە دیوارە مەزنەکەی پێش یەئجوج ومەئجوج کرایەوە
لە زەینەبی کچی جەحشەوە -ڕەزای خوای لێبێت- دەڵێت: پێغەمبەر -صلى الله علیه وسلم- بە ترسێکی زۆرەوە هاتە ژوورەوە، وفەرمووی: «لا إله إلا الله، تیاچوون بۆ عەرەب لە شەڕێک کە نزیک بووەتەوە، ئەمڕۆ ئەوەندە لە دیوارە مەزنەکەی پێش یەئجوج ومەئجوج کرایەوە»، وپاشان بازنەیەکی دروستکرد بە پەنجە گەورەی وپەنجەکەی تەنیشتی، زەینەبی كچی جەحش دەڵێت: ووتم: ئەی پێغەمبەری خودا، ئایا تیا دەچین لە کاتێکدا پیاوچاکان لەنێو ئێمەدان؟ فەرمووی: «بەڵێ، ئەگەر تاوان وپیسی زۆر بوو».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Hausa Kiswahili Português සිංහල አማርኛ অসমীয়া ગુજરાતી Tiếng Việt Nederlands नेपाली پښتو Svenska മലയാളം ไทย Кыргызча Română తెలుగు Malagasy Lietuvių ಕನ್ನಡ Српски ქართული Mooreالشرح
پێغەمبەر -صلى اللە علیە وسلم- بە ترسێكی زۆرەوە چوو بۆ لای زەینەبی كچی جەحش -ڕەزای خوای لێبێت-، لەكاتێكدا دەیووت: (لا إله إلا الله)؛ ئەمیش بۆ ڕاگەیاندن وپێشبینی كردنی شتێكی ناخۆش كە ڕوودەدات، وهیچ ڕزگاربوون وپەنایەك نییە لێی مەگەر بە پەناگرتن بە الله نەبێت -سبحانه وتعالی-، پاشان پێغەمبەر -صلى اللە علیە وسلم- فەرمووی: تیاچوون بۆ عەرەب لە شەڕێك كە نزیكە ڕوودانی، ئەمڕۆ ئەندازەیەك لە دیوارە مەزنەكەی پێش یەئجوج ومەئجوج كرایەوە، ئەم دیوارە مەزنە ئەو بەنداوە گەورەیە كە (زو ئەلقەرنین) دروستی كرد، بۆ وەسفكردنی ئەندازەكە بازنەیەكی بچووكی دروستكرد بە پەنجە گەورەی وئەوەی تەنیشتی، زەینەب -ڕەزای خوای لێبێت- ووتی: چۆن خوای گەورە تووشی تیاچوونمان دەكات لەكاتێكدا ئیماندارە پیاوچاكەكان لەنێو ئێمەدان؟ پێغەمبەر -صلى اللە علیە وسلم- پێی فەرموو: ئەگەر پیسی -تاوان وفاسقێتی- وزینا ومەی خواردنەوە وهتد زۆر بوو، ئەوا تیاچوون هەمووان دەگرێتەوە.فوائد الحديث
ترس وشڵەژان نابێتە هۆی ئەوەى دڵی مرۆڤ بێ ئاگا بێت لە یادی خواى گەورە؛ چونکە تەنها بە یادی خواى گەورە دڵەکان ئارام دەبن.
هاندان بۆ نکۆڵی وئینکاری کردن لە خراپەکان وڕێگری لە کردنیان.
مرۆڤەکان تیادەچن بەهۆی زۆری خراپە وتاوان وتەشەنە كردنیان ونكۆڵی نەكردن لێیان؛ ئەگەرچیش پیاوچاکان زۆر بن.
کارەساتەکان تووشی هەموو خەڵکی دەبن؛ چاکەکاران وخراپەکاران، بەڵام لەسەر نیەتەکانیان زیندوو دەکرێنەوە.
لێرەدا بەتایبەتی باسی عەرەبی كرد: (تیاچوون بۆ عەرەب لە شەڕێک کە نزیک بووەتەوە) ؛ چونكە ئەو كاتە زۆرینەی ئەوانەی مسوڵمان بوون ؛ عەرەبەكان بوون.