إعدادات العرض
مسوگهر هوین دێ خودایێ خۆ بینن، ههروهكی كا چاوا هوین ڤێ ههیڤێ دبینن، و هوین چ نهخۆشییێ د دیتنا ویدا نابینن
مسوگهر هوین دێ خودایێ خۆ بینن، ههروهكی كا چاوا هوین ڤێ ههیڤێ دبینن، و هوین چ نهخۆشییێ د دیتنا ویدا نابینن
جهریرێ كوڕێ عهبدولڵاهی (خودێ ژێ ڕازی بیت) دبێژیت: ئهم ل دهڤ پێغهمبهری (صهلات و سهلامێن خودێ ل سهر بن) بووین، وی سهحكره ههیڤێ د شهڤهكا تهمامدا - ئانكو ههیڤ یا چارده شهڤی بوو - و گۆت: ((مسوگهر هوین دێ خودایێ خۆ بینن، ههروهكی كا چاوا هوین ڤێ ههیڤێ دبینن، و هوین چ نهخۆشییێ د دیتنا ویدا نابینن، ڤێجا ئهگهر هوین بشێن كو چ تشت نهبنه ڕێگر ل سهر كرنا نڤێژهكا بهری ههلاتنا ڕۆژێ و بهری ئاڤابوونا وێ؛ هوین ئهڤێ چهندێ بكهن))، پاشی ئهڤ ئایهته خواند: {وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ} ، ئانكو: ((و بهری ههلاتنا ڕۆژێ و بهری ئاڤابوونا وێ تو خودایێ خۆ ژ ههمی كێماسییان بلند ڕابگره و حهمد و سوپاسییا وی بكه)).
الترجمة
العربية Bosanski English Español فارسی Français Indonesia Русский Türkçe اردو 中文 हिन्दी বাংলা Kurdî Português മലയാളം తెలుగు Kiswahili தமிழ் සිංහල မြန်မာ ไทย Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá ئۇيغۇرچە Hausa دری Кыргызча or Kinyarwanda नेपाली Română Lietuvių Српски Nederlands Soomaali Українська ಕನ್ನಡ Wolof Moore ქართული Azərbaycan Magyar Tagalog Македонски አማርኛ Malagasy Oromoo मराठी ਪੰਜਾਬੀ O‘zbek ភាសាខ្មែរالشرح
شهڤهكێ صهحابی د گهل پێغهمبهری (صهلات و سهلامێن خودێ ل سهر بن) بوون، ئینا وی بهرێ خۆ دا ههیڤێ -ل شهڤا چاردێ- و گۆت: مسوگهر باوهردار دێ خودایێ خۆ ب دروستی و ب چاڤێن خۆ بینن بێی چ گومان و شێلیاتی تیدا ههبیت و ئهو تووشی چ پهستان و وهستییان و نهخۆشییێ نابن ل دهمێ دیتنا خودایێ مهزن. پاشی پێغهمبهرێ خودێ (صهلات و سهلامێن خودێ ل سهر بن) گۆت: ئهگهر هوین بشێن وان ئهگهران دهرباز بكهن یێن ههوه ژ نڤێژا سپێدێ و نڤێژا ئێڤاری پاشڤه دبهن؛ ئهڤێ چهندێ بكهن، و وان ههردووكان ب تهمامی و د وهختێ واندا و ب جهماعهت بكهن؛ چونكی ئهڤه ئێكه ژ ئهگهرێن بهرێخۆدان و دیتنا وهجهێ خودایێ مهزن. پاشی صهلات و سهلامێن خودێ ل سهر بن ئهڤ ئایهته خواند: ((و بهری ههلاتنا ڕۆژێ و بهری ئاڤابوونا وێ تو خودایێ خۆ ژ ههمی كێماسییان بلند ڕابگره و حهمد و سوپاسییا وی بكه)).فوائد الحديث
مزگینیدان ب كهسێن باوهردار ب دیتنا خودایێ مهزن د بهحهشتێدا.
ژ ڕێك و شێوازێن گازییا د ڕێكا خودێدا: پشتڕاستكرن و هاندان و ئینانا نموونهیانه.
التصنيفات
The Hereafter Life