فوائد الحديث

Wilgda Laylat alƙadrã yɩɩdlem la b kengd tɩ bao-a.

Sẽn be Wẽnd minimã la A yolsgã pʋgẽ la A sẽn solg yʋng-kãngã, sẽn na yɩl tɩ nebã nidg pãng ne tũudmã n bao-a tɩ b yel-sõmã wã wʋsge.

Laylat alƙadrã bee Ramadaanã rasem pi-yaoogã pʋgẽ, la a rasem lugmẽ wã la a pẽ n yɩɩda.

Laylat alƙadrã yaa Ramadaanã rasem pi-yaoogã rasem a yembre, yẽ me la yʋng ninga Wẽnd (A Namm yɩ wagell n zẽke) sik Alkʋrãanã Nabiyaamã zugu (Wẽnd pʋʋsg la A tɩlgr be a yĩnga), la A maan yʋng-kãngã t'a sõmblemã yɩɩd kiuus tusri, barkã la a ƙadrã la tʋʋm sõngã keelem.

Rẽnd sẽn yeel tɩ (Kordg yʋngã) tõeeme tɩ yaa a zɩslemã la b sẽn pʋd-a woto wã, bala b yetame zagl arkadrã yaa bedre, wakat-kãngã sẽn rɩk yʋngã n lagem ne alƙadrã yaa rɩk bũmb n tõk ne a sɩf (bilgri) rat n na n yeel tɩ yʋn-zɩsgã, rat n na n yeel t'a alƙadrã yaa zɩslgo, zɩslemã sẽn wa n yaa a soab fãa gilli, bala Wẽnd yeelame: (Ad Tõnd sik-a-la yʋng pʋgẽ sẽn yaa bark yʋngo) [Ad-dʋẖaan (Bug-zõosã sʋʋra): 3]. La tõeeme tɩ sẽn yet tɩ kordgã yaa geelgo, wakat-kãngã yaa bũmb ning sẽn yɩt yʋngã pʋgẽ wã tɩ b kell n rɩk yẽnda pʋde, rat n yeel tɩ yãwã yaa yʋng ninga b sẽn na n geel bũmb ninga sẽn na n yɩ yʋʋmdã pʋgẽ wã fãa gilli, wala Wẽnd sẽn yeele: (Yʋʋn-kãngɑ pʋgẽ la b welgd yell buud fãa sẽn bʋ n manege) (Bug-zõosã sʋʋra): 4].