فوائد الحديث

Yaa sãri wã sẽn kõ sor noor gomde, la b yãg n togs-a, tɩ yaa sẽn na yɩl n vẽneg, la b leb n tabend sãri wã sagellã, la b leb n segl kũum yĩnga, la b leb n ning b yamẽ ne noorã gomde la a sẽn na n kẽes zĩig ninga, taoor tɩ bũmb ning ra wa maan soagl n yi-a ye.

Sagellã, a võorã yaa alkaoole, yẽ me yaa ninsaal rɩk noore, t'a rɩk n kõ ned a kũumã poorẽ, t'a yõd n maan bũmb yẽ arzεkẽ wã, maa a bas neda t'a ges a koam-bãanego, maa a bas ned t'a ges a tʋʋma, tʋʋm ningã a sẽn so kũumã poorẽ wã.

Noorã gomd basgo, a yaa bugs a tãabo: 1- B sẽn bʋ nonglem la yẽnda yaa a bas noor, tɩ b maan bũmb yẽ arzεkẽ wã, n rɩk n maan yel-sõma, sẽn yɩl t'a yel-sõmdã ta yẽ a kũumã poorẽ. 2-La sẽn yaa tɩlae n zao-a, yaa a sẽn na n bas noor tɩ b yõdg n maneg hakε-rãmb nins sẽn zao a zugã, zem tɩ yaa Wẽnd hakε-rãmb sẽn zao a zugu, wala Zaka a sẽn rag n ka yiisi, maa maan-n-riolga a sẽn rag n ka maan kafaara la sẽn wõnd rẽ, sẽn yaa yεl sẽn zao yẽ zugu, sãri wã pʋgẽ, maa yaa ninsaalbã hakε-rãmb sẽn zao yẽ zugu, wala samd la boabl sẽn be a nengẽ kɩsgo. 3-La sẽn yaa haraam, t'a sã n paas a sagellã pʋgẽ bũmb sẽn yɩɩd yẽ arzεkã sẽn pʋɩ yembr n yãk yembre (1/3), maa a sã n wa sagl tɩ b kõ ned sẽn na n rɩ faado.

Wilgda a 'Abdʋllaah ɭbn 'Ʋmar (Wẽnd yard be b yiibã yĩnga) yɩɩdlem, la a sẽn tar yãgbo n na n maan neere, la a yãgd n tʋgd sãri wã bʋʋd zĩigẽ.

A ɭbn Daƙɩɩƙ Al-ɩɩde (Wẽnd na yols-a) a yeelame: la b sẽn yols yʋnd a yiibu, bɩ yʋnd a tãabã pʋgẽ, yaa sẽn na yɩl n maan tɩ pake, maa weoog ned ye.

Yεl nins sẽn pakã, sõmbame tɩ b gʋlse, bala woto n yɩɩd ne b na tablg hakε-rãmba la b gũus-ba.