F zelemdã ra bak n yaa maasr ne Wẽnd yʋʋrã tẽegr ye

Yii a ʿAbd Allaah ɭbn Bʋsr nengẽ, (Wẽnd yard be a yĩnga), tɩ raoa n yeel Wẽnd Tẽn-tʋʋmã, ad Wẽnd maana sãri-rãmba tɩ b yaa wʋsg tõnd zugu, rẽnd d rat rag-noor sẽn tigime tɩ d gãd-a, t'a yeele: «F zelemdã ra bak n yaa maasr ne Wẽnd yʋʋrã tẽegr ye». La sẽn be toagsg pʋgẽ, sẽn yaa a Mu'aaz hadiisẽ wã, (Wẽnd yard be a yĩnga): welg baasdg mam sẽn welg Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yaa mam sẽn yeele: yaa tʋʋm bʋd sõmblem n yiide la a leb n yɩɩd pẽnegr ne Wẽnde? T'a yeele:«Yaa fo maan kaalem tɩ f zelemdã yaa maasr ne Wẽnd yʋʋrã tẽegre (A Naam zẽk yã)».

[Naṣʋn Ṣahɩɩhʋn (Gom-sikdem sẽn manege)] [رواه أحمد والترمذي وابن ماجه وابن حبان]

حفظ

حفظ الحديث بصيغة PDF

الشرح

Raoa n yeel Nabiyaamã (Wẽnd pʋʋsg la A tɩlgr be a yĩngɑ) tɩ ad naafɩl-rãmbã la tũud-rãmbã b lebga wʋsg a zugu, halɩ t'a kong pãnga a valengã yĩngã, rẽ poorẽ t'a kos Nabiyaamã (Wẽnd pʋʋsg la A tɩlgr be a yĩngɑ) t'a tees-a tʋʋm yol-yole, sẽn takd yel-sõmd bedre, t'a loe a mengã ne-a la a gãd-a. Tɩ Nabiyaamã togl-a (Wẽnd pʋʋsg la A tɩlgr be a yĩngɑ) n yeel-a t'a zelemdã ra bak n yaa maasre, n rãmbd wakat fãa ne Wẽnd yʋʋrã tẽegre (A Naam yɩlg n zẽke) wakat la halhaal pʋgẽ fãa; sẽn yaa Sʋbhaanallaah, la Alhamdu lillaah, la astagfirullaah, la doaaga la sẽn wõnd rẽ.

فوائد الحديث

Wẽnd yʋʋrã tẽegr ne duungu yɩɩdlemã (A Naam zẽk yã).

Sẽn be Wẽnd yɩɩdlem sẽn zɩsã, yaa A sẽn yols keoorã paoong sabab-rãmbã.

Wilgda yembsã sẽn yɩɩgd taaba b keoorã pʋgẽ, manegrã la yel-sõmdã ragnoyã.

Wẽnd yʋʋrã tẽegr wʋsg ne zelemde, sʋbhaanallaah, la al-hamdu lillaah, la laa'ɩlaah ɩllallaah, la Allaah akbarʋ la zẽng sẽn ka rẽ, n naag ne sũurã gũusgu, a yikda tũudumã naafɩl-rãmb wʋsg zĩigẽ.

Nabiyaamã (Wẽnd pʋʋsg la A tɩlgr be a yĩngɑ) sẽn gũusd soakdã tʋlsem ne bũmb ninga sẽn zemsd-a fãa gilli.

F zelemdã ra bak n yaa maasr ne Wẽnd yʋʋrã tẽegr ye

F zelemdã ra bak n yaa maasr ne Wẽnd yʋʋrã tẽegr ye

البوابات الدعوية

التعريف بالإسلام

تعليم المهتدين الجدد

نشر وتعليم القرآن

تطوير مهارات الدعاة