إعدادات العرض
नबी (सल्लल्लाहु अलैहि वसल्लम) आफ्नो जुत्ता लगाउदा, आफ्नो कपाल कोर्दा, पवित्रता प्राप्त गर्दा यहाँसम्म आफ्नो सबै…
नबी (सल्लल्लाहु अलैहि वसल्लम) आफ्नो जुत्ता लगाउदा, आफ्नो कपाल कोर्दा, पवित्रता प्राप्त गर्दा यहाँसम्म आफ्नो सबै मामिलाहरूमा दायाँतिरबाट आरम्भ गर्न मन पराउनुहुन्थ्यो ।
उम्मुल-मुमिनीन आइशा (रजियल्लाहु अन्हा) ले वर्णन गरेका छन्, नबी (सल्लल्लाहु अलैहि वसल्लम) आफ्नो जुत्ता लगाउदा, आफ्नो कपाल कोर्दा, पवित्रता प्राप्त गर्दा यहाँसम्म आफ्नो सबै मामिलाहरूमा दायाँतिरबाट आरम्भ गर्न मन पराउनुहुन्थ्यो ।
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල ئۇيغۇرچە Hausa Português Kurdî മലയാളം Kiswahili አማርኛ অসমীয়া ગુજરાતી دری Nederlands پښتو ไทย Svenskaالشرح
नबी (सल्लल्लाहु अलैहि वसल्लम) दायाँ तर्फबाट सम्मानजनक कार्यहरू सुरु गर्न मन पराउनुहुन्थ्यो, जस्तैः जुत्ता लगाउँदा पहिले दाहिने खुट्टाबाट सुरु गर्ने, टाउको र दाह्रीको कपालमा तेल लगाउँदा र काईयो गर्दा दायाँबाट सुरु गर्ने, वोजू गर्दा दायाँ हात र दाहिने खुट्टालाई बायाँ हात र देब्रे खुट्टा भन्दा पहिला धुने इत्यादि ।فوائد الحديث
इमाम नौवीले शरियतको एउटा सामान्य नियम उल्लेख गर्दै भनेका छन्: लुगा र पायजामा लगाउनु, जुत्ता लगाउनु, मस्जिदमा प्रवेश गर्नु, मिस्वाक गर्नु, आँखामा सुर्मा वा काजल लगाउनु, नङ काट्नु, जुँगा काँट्नु, काईयोले कपाल कोर्नु, काखीका रौंहरू उखेल्नु, कपाल काट्नु, सलाहमा सलाम फेर्नु, पवित्र अंगहरू धुनु, शौचालयबाट बाहिर निस्कनु, खानपिन गर्नु, मुसफाह गर्नु अथवा हात मिलाउनु, हजरे अस्वद (कालो ढुंगा) लाई चुम्बन गर्नु आदि जस्ता सम्मानजनक कामहरू दाहिने तर्फबाट सुरु गर्नु मुस्तहब हो । यसको विपरीत शौचालयमा प्रवेश गर्नु, मस्जिदबाट बाहिर निस्कनु, नाक पुछ्नु, (दिसापिसाब गरेपछि) इस्तिन्जा (सफा) गर्नु, लुगा, पैन्ट, कट्टु र जुत्ता मोजा आदि फुकाल्नु जस्ता कामहरू बायाँ तर्फबाट सुरु गर्नु मुस्तहब हो । वास्तवमा यो सबै दायाँको सम्मान र इज्जतको कारणले गर्दा हो ।
"उहाँलाई दायाँबाट सुरुवात गर्न मनपर्छ", यसमा दाहिने हात, दाहिने खुट्टा, दायाँतिर र दाहिनेबाट लेनदेन गर्नु सबै कुराहरू समावेश छन् ।
इमाम नौवीले भनेका छन्: केही अंगहरूमा दाँयाबाट सुरु गर्नु मुस्तहब होइन; जस्तैः दुवै कान, दुवै हत्केला र दुवै गालाहरू । यी अंगहरूका दुवै भाग एकै पटक शुद्ध पार्नुपर्ने हो, यदि त्यसो गर्न गाह्रो छ भने, दाँयालाई प्राथमिकता दिइनेछ ।