الشرح

کله چې مسلمان وغواړي یو کار ترسره کړي چې د سم تصمیم په اړه یقین نه لري، نو ورته مشروع دي چې د استخارې لمونځ وکړي. لکه څنګه چې نبي ﷺ خپلو اصحابو ته دا لمونځ داسې ښوده لکه څنګه چې به یې چې ورته د قرآن سورتونه ښودل، نو له فرض لمانځه پرته دې دوه رکعته وکړي، بیا دې د الله تعالی څخه دا دعا وغواړي: «اللهم إني أستخيرك» یعنې ای الله! په دوو کارونو کې درڅخه د هغه کار لپاره توفیق غواړم چې خېر مې پکې وي، «بعلمك» یعنې ستا څخه ستا د پراخه او هر څه رانغاړونکي علم له مخې سوال کوم، «وأستقدرك» یعنې له تا غوښتنه کوم چې ځواک راکړې، ځکه زه پخپله بې وسه یم، «بقدرتك» یعنې ستا د پیاوړې قدرت له مخې، ځکه ته له هېڅ شي عاجز نه یې، «وأسألك من فضلك» او ستا څخه ستا د پراخې مهربانۍ سوال کوم، ځکه ستا ورکړه ستا له خوا لورینه ده، او هیڅوک تاسره په هیڅ نعمت کې حقدار نه دی؛ «فإنك تقدر» یعنې ته پر هر څه توان لرې، او زه کمزوری عاجز یم «ولا أقدر» او ستا له ملاتړ پرته هیڅ ځواک نه لرم، او ته «تعلم» پوهیږي، په خپل هر اړخیز علم سره په ښکاره او پټ، ظاهر او باطن څیزونو باندې، «و أنا لا أعلم» او زه په هېڅ نه پوهېږم مګر ستا په توفیق او لارښوونه، «وأنت علام الغيوب» حال دا چې ته په پټو او ښکاره ټولو شیانو بشپړ عالم یې. یعنې ستا علم بې محدودیته دی، او ستا ځواک بې اغېزه نه دی، او نورو یوازې هومره توان لري چې تا ورته ورکړی او اجازه دې ورته کړې ده.