الشرح

නබි (සල්ලල්ලාහු අලයිහි වසල්ලම්) තුමාණන් ප්රකාශ කළ බවට අබූ හුරෙයිරා (රළියල්ලාහු අන්හු) තුමා විසින් මෙසේ දන්වා ඇත. “ඔබ අතරින් කිසිවකු හෝ ඔහුගේ නින්දෙන් අවදි වූ විට, ඔහු වූළූ ධෝවනය කරත්වා.” එනම් වුළූ ධෝවනය කිරීමට සිතූ විට යන්නයි. “නාසය තුන් වරක් පිරිසිදු කර ගනිත්වා.” එය ඔහුගේ නාසයේ ඇතුළත සේදීම සඳහාය. මෙසේ රාත්රි නින්දෙන් අවදි වූ අයකු නාසය පිරිසිදු කිරීම නබි වදනින්ම හේතු දක්වා පැමිණ ඇත. එනම් “හේතුව සැබැවින්ම ෂෙයිතාන් ඔහුගේ නාස්පුඩුවෙහි රාත්රිය ගත කරනු ඇත.” ඉන් අදහස් කරනුයේ සැබැවින්ම ෂෙයිතාන් නින්දේදී විකෘති සිතුවිලි ඇති කිරීමට නොහැකි වූ විට හැඟීම් නැති කිරීම සඳහා නාසයේ කෙළවරෙහි රාත්රිය ගත කිරීමයි. එය ඔහුගේ මොළයට දුෂ්ඨ සිහින ඇතුළත් කොට දැහැමි සිහින වළක්වනු පිණිසය. සැබැවින්ම එහි ස්ථානය මොළයයි. එබැවින් ෂෙයිතාන්ගේ දූෂ්ඨකම හා ගද ගැසීම ඉවත් කිරීම සඳහා සල්ලල්ලාහු අලයිහි වසල්ලම් තුමා ඔවුන්ගේ නාස් ඇතුළත සෝදන මෙන් නියෝග කළහ. ෂෙයිතාන් රාත්රිය ගත කිරීම සැබෑවකි. සැබැවින්ම නාසය හදවත වෙත ගමන් කරන එක් සිදුරකි. එයට හෝ කන් දෙකට හෝ ආවරණයක් නැත. හදීසයේ සඳහන් පරිදි සැබැවින්ම ෂෙයිතාන් වැසී ඇති දෑ විවෘත නොකරයි. ඈනුම් ගිය අවස්ථාවේ කට පාලනය කර ගැනීම අනිවාර්යය කිරීම තුළින් කට තුළට ෂෙයිතාන්ගේ පිවිසීම සිදු නොවන ඇතැයි සඳහන්ව පැමිණ ඇත්තේ එබැවිනි.( මිස්වාක් (දැහැටි කූරු) භාවිතයෙන් කට පිරිසිඳු කරන බැවිනි.)