الشرح

இந்த ஹதீஸ் பல பாவங்களை எடுத்துக் கூறி அதனை பெரும் பாவங்கள் என அடையாளமிட்டும் உள்ளது. அதன் மூலம் அவற்றை செய்கின்றவனுக்கும் ஏனைய மனிதர்களுக்கும் இம்மை மறுமையில் ஏற்படக்கூடிய பாரிய கெடுதிகளின் காரணமாகவே அவ்வாறு பெயர் கூறப்பட்டுள்ளது. 1. அல்லாஹ்வுக்கு இணைவைத்தல். அதாவது அல்லாஹ்வோடு வேறொருவரை சேர்த்து வணங்குதல், தன் இறைவனுக்கு செலுத்த வேண்டிய வணக்கங்களை மறுத்தல் முதலியன மூலம் அல்லாஹ்வை நிராகரித்தல். 2. பெற்றோரை துன்புறுத்தல். அதன் உண்மை யாதெனில் அவ்விருவரையும் அல்லது இருவரில் ஒருவரை அவர்கள் வருத்தப்படும் வண்ணம் ஒன்றை செய்வதாகும். உதாரணமாக அவர்கள் இருவரையும் மரியாதைப் படுத்தாது இருத்தல். ஏசுதல் அவர்களுக்காக எழுந்து நிற்காதிருத்தல் அவ்விருவரும் தம் பிள்ளைகளின் பால் தேவையுறும் நேரங்களில் அப்பிள்ளைகள் அத்தேவையை செய்யாமலிருத்தல். 3. கொலை செய்தல் என்பது எந்த உரிமையுமின்றி அநியாயமாக அத்துமீறி கொலை செய்தலாகும். கொலை குற்றத்திற்காக ஒரு மனிதன் கொலை தண்டனையை பெறுவதற்குரியவனாயின் அது இந்த ஹதீஸில் சேரமாட்டாது. இறுதியாக இந்த ஹதீஸ் பொய்ச்சத்தியத்தை கூறி அச்சமூட்டுகிறது. பொய்ச்சத்தியம் என்ற வார்த்தையைக் கூறி அரபியிலே அல்(g)கமூஸ் என்று கூறப்பட்டுள்ளது அதன் பொருளாவது மூழ்குதல் என்பதாகும். எனவே ஒருவன் உண்மையை அறிந்த நிலையில் பொய்யாக சத்தியம் செய்வதன் மூலம் பாவத்திலோ அல்லது நரகிலோ மூழ்குவதனால் இப்பெயர் கூறப்பட்டுள்ளது.