إعدادات العرض
?ئەر ئەرنىڭ ئەۋرىتىگە، ئايال ئايالنىڭ ئەۋرىتىگە قارىمىسۇن،
?ئەر ئەرنىڭ ئەۋرىتىگە، ئايال ئايالنىڭ ئەۋرىتىگە قارىمىسۇن،
ئەبۇ سەئىدىل خۇدرىي رەزىيەللاھۇ ئەنھۇدىن بايان قىلىنغان ھەدىستە: پەيغەمبەر ئەلەيھىسسالام مۇنداق دېگەن: «ئەر ئەرنىڭ ئەۋرىتىگە، ئايال ئايالنىڭ ئەۋرىتىگە قارىمىسۇن، ئەر يەنە بىر ئەر بىلەن بىر يىپىنچا ئىچىدە كېيىمسىز ياتمىسۇن ، ئايالمۇ يەنە بىر ئايال بىلەن بىر يىپىنچا ئىچىدە كىيىمسىز بىللە ياتمىسۇن».
الترجمة
عربي বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी සිංහල Hausa Kurdî Português Svenska ગુજરાતી አማርኛ Yorùbá Tiếng Việt Kiswahili پښتو অসমীয়া دری Кыргызчаالشرح
پەيغەمبەرئەلەيھىسسالام ئەر كىشىنى ئەر كىشىنىڭ ئەۋرىتىگە، ئايالنى ئايالنىڭ ئەۋرىتىگە قاراشتىن چەكلىگەن. ئەۋرەت دېگەن: ئېچىلىپ قالسا ساھىبى ھايا قىلىدىغان ئورۇنلار بولۇپ، ئەرلەرنىڭ ئەۋرىتى كىندىكى بىلەن تىزىنىڭ ئارىلىقىدۇر. ئايالنىڭ يات ئەرلەرگە نىسبەتەن پۈتۈن بەدىنى ئەۋرەتتۇر، ئاياللار ۋە ئۆزىنىڭ مەھرەملىرىگە نىسبەتەن: ئادەتتە ئۆيىدە ئىش قىلغاندا ئوچۇق قويىدىغان ئورۇنلىرىدۇر. پەيغەمبەرئەلەيھىسسالام ئەر كىشىنىڭ يەنە بىر ئەر كىشى بىلەن بىرگە كىيىمى يوق-يالىڭاچ ھالەتتە بىر يوتقاندا ياكى بىر ئەدىيالغا ئورىنىپ يېتىشىدىن چەكلىگەن، شۇنداقلا ئايالنىڭ يەنە بىر ئايال بىلەن يالىڭاچ ياكى كىيىمى يوق ھالەتتە بىر يوتقاندا ياكى بىر ئەديالغا ئورۇنۇپ يېتىشىدىن چەكلىگەن، چۈنكى بۇ ئىشلار ھەر ئىككىسىنىڭ بىر-بىرىنىڭ ئەۋرىتىنى تۇتۇپ قىلىش، چەكلەنگەن ئورۇنلارغا قاراپ قىلىش قاتارلىق ئىشلارغا ئېلىپ بارىدۇ، بەلكى ئۇنىڭدىنمۇ يامان بولغىنى قاتتىق چەكلەنگەن، چوڭ بۇزۇقچىلىققا ئېلىپ بارىدۇ.فوائد الحديث
ئەر-ئايالدىن باشقىلارنىڭ بىر-بىرىنىڭ ئەۋرىتىگە قارىشى چەكلىنىدۇ.
ئىسلام جەمئىيەتنىڭ پاك بولىشى ئۈچۈن، زىنا-پاھىشىگە ئېلىپ بارىدىغان بارلىق يوللارنى چەكلەيدۇ.
دوختۇرنىڭ داۋالىشى، تۇغۇت قاتارلىق ئەۋرەتكە قاراش زۆرۈر بولغان ئەھۋاللاردا شەھۋەتسىز قارىسا دۇرۇس بولىدۇ.
مۇسۇلمان ئەۋرىتىنى يىپىشقا، باشقىلارنىڭ ئەۋرىتىگىمۇ قارىماسلىققا بۇيرۇلغان.
چەكلىمە ئەرلەرنىڭ ئەرلەر بىلەن، ئاياللارنىڭ ئاياللار بىلەن بىرگە يېتىشىدىن چەكلەشكە خاستۇر، چۈنكى بۇ ئەۋرەتكە قاراش ۋە ئۇنى ئېچىشقا ئېلىپ بارىدۇ.