الشرح

Kira ye kibaruyali kɛ nɛɛma ni kisi b'a ye k'a fɔ diinɛ sigilen ŋaniya ni tuɲa de kan, yaasa a ka kɛ i ko Ala y'a wajibiya cogomin, a dafalen nàgasi ni namara tɛ min na. A fɔra kira ye kisi b'a ye: kɔnɔnanjɛya bɛ kɛ jɔn ye? A ko: A fɔlɔ: kɔnɔnanjɛya bɛ kɛ Ala de ye sanuya b'a ye: ni baara ŋaniya kalasili ye a ye, ani fɛn fàrabaliya a kan, wa an ka limaniya a ka tìgiya n'a ka Alaya la a n'a tɔgɔw n'a mankutuw,an'a ka koɲɛ bonyani, ani weeleli ka taa limaniya ma a la. A filanan: kɔnɔnanjɛya Ala ka gafe ye n'o ye kurana sanuman ye: an ka dusukunnasiri ta k'a ka kumakan do an'a ka gafe laban, ani ko sariya tɛmɛnenw bɛɛ falenlan do, an b'a bonya, k'a kalan a cogo la, ka baara kɛ n'a haya walawalalenw ye, minnu kɔrɔ bɛ sɛ ka tàli kɛ caman na ka olu segin Ala ma, an bɛ yɛlɛmalikɛlaw ka kɛwale ɲɔnti ka bɔ a kɔnɔ, an b'an tàasi n'a waajuli ye, k'a dɔnni càri, ka weeleli kɛ ka taa a ma. Sabanan: kɔnɔnajɛya kira Mamadu ye nɛɛma ni kisi b'a ye: an k'a dusukunnasiri ta ko ciden laban do, a nana ni min ye k'o tuɲatigiya, k'a ka yamaruyakow kɛ, k'an yɔrɔmanjanya a ka fatanikɔw ma, wa an ka na Alabato kɛ a ma na ni min ye, k'a ka hakɛ bonya, k'an màgodon a la, k'a ka weelekan càri, k'a ka sariya jɛnsɛn,ka jalakilikanw sɔsɔ ka b'a ma. A naaninan: kɔnɔnajɛya silamɛ ɲɛmɔgɔw ye: n'u dɛmɛni ye tuɲa kan, an'u ka yamaruya sɔsɔbaliya, an'u lamɛnni n'u kan na bàtoli Ala bato kan. A duurunan: kɔnɔnajɛya silamɛw ye: ɲumanya ka taa u ma ani weeleli, ani tɔrɔ ɲɔntili ka b'u ma, ani tɔɔrɔ kanuni u ye, a n'u dɛmɛni ɲuman ni alaɲɛsiranyɛ kan.