إعدادات العرض
ههر كهسێ ب دروستی و ژ دل شاهده بدهت كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه؛ خودێ دێ وی ل سهر ئاگری…
ههر كهسێ ب دروستی و ژ دل شاهده بدهت كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه؛ خودێ دێ وی ل سهر ئاگری حهرام كهت
ئهنهسێ كوڕێ مالكی (خودێ ژێ ڕازی بیت) دبێژیت: پێغهمبهر (صهلات و سهلامێن خودێ ل سهر بن) ل سهر دهواری بوو و موعاز ل پشت وی یێ سویار بوو، ئینا گۆت: ((ئهی موعازێ كوڕێ جهبهلی))، گۆت: ئهز یێ ل بن فهرمانا ته ئهی پێغهمبهرێ خودێ و بهردهوام دێ د بهرسڤا تهدا هێم و من داخوازا بهختهوهرییێ یا كری ب بهرسڤدانا ته، گۆت: ((ئهی موعاز))، گۆت: ئهز یێ ل بن فهرمانا ته ئهی پێغهمبهرێ خودێ و بهردهوام دێ د بهرسڤا تهدا هێم و من داخوازا بهختهوهرییێ یا كری ب بهرسڤدانا ته، سێ جاران ئهڤه گۆت، پاشی پێغهمبهری (صهلات و سهلامێن خودێ ل سهر بن) گۆت: ((ههر كهسێ ب دروستی و ژ دل شاهده بدهت كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه؛ خودێ دێ وی ل سهر ئاگری حهرام كهت))، گۆت: ئهی پێغهمبهرێ خودێ؛ ئهرێ ما ئهز ڤی دهنگوباسی نهگههینمه خهلكی و دا پێ كهیفخۆش بن و ببیته مزگینییهك بۆ وان؟ گۆت: ((ئهگهر ته گۆتێ؛ دێ خۆ هێلنه ب هیڤییا هندێڤه)). دهمێ مرنا موعازی نێزیك بووی؛ ئهڤ تشته گۆت، بۆ هندێ دا گونههكار نهبیت.
الترجمة
العربية বাংলা Bosanski English Español فارسی Bahasa Indonesia Tagalog Türkçe اردو 中文 हिन्दी Français Kurdî Português മലയാളം తెలుగు Kiswahili தமிழ் සිංහල မြန်မာ ไทย Русский 日本語 پښتو Tiếng Việt অসমীয়া Shqip Svenska Čeština ગુજરાતી አማርኛ Yorùbá Nederlands ئۇيغۇرچە Hausa دری Magyar ಕನ್ನಡ Кыргызча Lietuvių Română Kinyarwanda नेपाली Српски Soomaali Deutsch Moore Українська Български Wolof Azərbaycan ქართული тоҷикӣ Bambara Македонски Malagasy ភាសាខ្មែរ मराठी ਪੰਜਾਬੀ Italiano O‘zbek Oromoo Fulfuldeالشرح
موعازێ كوڕێ جهبهلی (خودێ ژێ ڕازی بیت) ل پشت پێغهمبهری (صهلات و سهلامێن خودێ ل سهر بن) ل سهر دهوارێ وی یێ سویار بوو، ئینا پێغهمبهری (صهلات و سهلامێن خودێ ل سهر بن) گازی وی كر و گۆتێ: ئهی موعاز؟ سێ جاران ئهڤ گازییا خۆ دووباره كر، ئهڤه ژی ژ بهر گرنگییا وی تشتێ دێ بێژیته وی. ههر جارهكا گازی موعازی دكر؛ موعازی (خودێ ژێ ڕازی بیت) بهرسڤا وی ددا و دگۆتێ: (لَبَّيْكَ يَا رَسُولَ اللهِ وَسَعْدَيْكَ)، ئانكو: ئهز یێ ل بن فهرمانا ته ئهی پێغهمبهرێ خودێ و بهردهوام دێ د بهرسڤا تهدا هێم و من داخوازا بهختهوهرییێ یا كری ب بهرسڤدانا ته. پاشی پێغهمبهری (صهلات و سهلامێن خودێ ل سهر بن) گۆته وی كو ههر كهسێ ژ دل و بێی درهو شاهده بدهت كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه، پاشی ئهگهر ل سهره ڤێ ڕهوشێ مر؛ خودێ دێ وی ل سهر ئاگری حهرام كهت. ئینا موعازی (خودێ ژێ ڕازی بیت) پرسیار ژ پێغهمبهری (صهلات و سهلامێن خودێ ل سهر بن) كر كا ئهرێ ڤی دهنگوباسی نهگههینیته خهلكی و دا پێ كهیفخۆش بن و ببیته مزگینییهك بۆ وان؟ پێغهمبهر (صهلات و سهلامێن خودێ ل سهر بن) ترسا خهلك خۆ ب هێلنه ب هیڤییا ڤێ پهیڤێڤه و كارێ وان یێ باش كێم بیت. لهوا موعازی ئهو تشت بۆ كهسێ نهگۆت، ههتا بهری مرن بسهردا بهێت، وی دهمی گۆت، ئهڤه ژی ژ ترسێن هندێدا نهكو بكهڤیته د ناڤ گونهها ڤهشارتنا زانینێدا.فوائد الحديث
خۆبكێمزانینا پێغهمبهری (صهلات و سهلامێن خودێ ل سهر بن)، ئهڤه ژی دهمێ موعاز ل پشت خۆ ل سهر دهوارێ خۆ سویار كری.
ڕێكا فێركرنا پێغهمبهری (صهلات و سهلامێن خودێ ل سهر بن)، چونكی وی گازیكرنا موعازی دووباره كر، دا ئاگههییا وی بۆ لایێ خۆ ڕاكێشیت ژ بهر وی تشتێ دێ بێژیت.
ژ مهرجێن شاهدهدانا: (أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ) ئهڤهیه خودانێ ئهڤێ شاهدهدانێ یێ ڕاستگۆ بیت و یێ پشتڕاست بیت، نه كو درهوان بكهت یان گومان ل دۆر ههبن.
كهسێن ئێكتاپهرست ههتا ههتایێ نامیننه د ناڤ ئاگرێ جههنهمێدا، و ئهگهر ژ بهر گونههێن خۆ بۆ چهندهكێ بچنه تێدا؛ پشتی ژ گونههێن خۆ دهێنه پاقژكرن دێ ژێ هێنه دهرئێخستن.
قهدر و بهایێ ههردوو شاهدهدانان بۆ وی كهسێ ژ دل و ڕاستگۆیانه وان دبێژیت.
دروسته مرۆڤ د هندهك ڕهوش و كاوداناندا فهرموودهیێ ڤهنهگێڕیت ئهگهر زانی دێ خرابییهك ل سهر ڤێ ڤهگێڕانێ پهیدا بیت.