إعدادات العرض
((گونههێن مهزن ئهڤهنه: دروستكرنا شركێ بۆ خودێ، خرابییا د گهل دایك و بابان، كوشتنا نهفسێ و سویندخوارنا ژ درهو))
((گونههێن مهزن ئهڤهنه: دروستكرنا شركێ بۆ خودێ، خرابییا د گهل دایك و بابان، كوشتنا نهفسێ و سویندخوارنا ژ درهو))
عهبدولڵاهێ كوڕێ عهمرێ كوڕێ عاصی (خودێ ژ ههردووکان ڕازی بیت) دبێژیت: پێغهمبهری (صهلات و سهلامێن خودێ ل سهر بن) گۆت: ((گونههێن مهزن ئهڤهنه: دروستكرنا شركێ بۆ خودێ، خرابییا د گهل دایك و بابان، كوشتنا نهفسێ و سویندخوارنا ژ درهو)).
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Tiếng Việt Kurdî Hausa Português മലയാളം తెలుగు Kiswahili မြန်မာ Deutsch 日本語 پښتو অসমীয়া Shqip Svenska Čeština ગુજરાતી Yorùbá Nederlands ئۇيغۇرچە සිංහල தமிழ் دری Кыргызча Lietuvių Kinyarwanda नेपाली or ಕನ್ನಡ Română Soomaali Српски Wolof Moore Українська Azərbaycan ქართული Magyar Македонски Bambara አማርኛ Български Malagasy Oromoo ភាសាខ្មែរ ไทย मराठी ਪੰਜਾਬੀ Italiano O‘zbek тоҷикӣ Yaoالشرح
پێغهمبهر (صهلات و سهلامێن خودێ ل سهر بن) گونههێن مهزن دیار دكهت، كو ئهو گونههن یێن بكهر و ئهنجامدهرێ وێ ب گهفهكا دژوار ل دونیایێ یان ل ئاخرهتێ هاتبیته گهفكرن. ڤێجا یا ئێكێ (دروستكرنا شركێیه بۆ خودێ): كو ئهڤهیه مرۆڤ ههر جۆره عیبادهتهكێ ههبیت بۆ ئێكێ دی ژ بلی خودێ بكهت، و تشتهكێ دی بینیته ڕاستا خودێ و د گهل وی یهكسان بكهت د ئولوهییهت و ڕبوبییهت و باشناڤ و سالۆخهتێن ویدا. یا دووێ (خرابییا د گهل دایك و بابان): كو ئهڤه ژی ههر تشتهكێ نهخۆشییێ بۆ دایك و بابان دروست بكهت ب خۆڤه دگریت، چ گۆتن بیت یان كریار و هێلانا باشیكرنێیه د گهل وان. یا سێیێ (كوشتنا نهفسێیه): ب نهحهقی، وهكی كوشتنا كهسهكی ب زۆڕداری یان دهستدرێژیكرنێ. یا چارێ (سویندخوارنا نقۆمكهر): كو ئهڤهیه مرۆڤ ژ درهو سویند ب خودێ بخۆت، د دهمهكیدا دزانیت كو یێ درهوان دكهت، ئهڤ سوینده ب ڤی ناڤی هاتییه ناڤكرن، چونكی خودانێ خۆ د ناڤ گونههێدا یان د ناڤ ئاگرێ جههنهمێدا نقۆم دكهت.فوائد الحديث
سویندخوارنا ژ درهو چ كهفارهت ل سهر نینن، ئهڤه ژی هندی هند گونهههكا مهزن و مهتڕسیداره، بهلكی بۆ وێ سویندێ دڤێت مرۆڤ تهوبه بكهت.
فهرموودهیێ ب تنێ بهحسێ ڤان چار گونههێن مهزن كر و چ یێن دی بهحس نهكرن، ئهڤه ژی چونكی ئهو گهلهك د مهزنن، نه كو مهرهم پێ ئهڤه بیت گونهھێن مهزن ب تنێ ئهڤ چارنه.
گونهھ دابهش دبنه سهر گونههێن مهزن و گونههێن بچویك، گونهها مهزن: ئهو گونههه یا سزایهكێ دونیایێ ل سهر هاتبیته دانان، وهكی سزایێن شهرعی و نهفرهتلێكرنێ، یان گهفكرنهكا ئاخرهتێ ل سهر هاتبیت، وهكی گهفكرنێ ب چوونا ئاگرێ جههنهمێ، پلهیا گونههێن مهزن ژی ژ لایێ حهرامبوونێڤه ژ ئێك جودانه و هندهك ژ هندهكان مهزنترن، ژ بلی گونههێن مهزن ژی یێن دی ههمی گونههێن بچویكن.