الشرح

عوقبەی عامر -ڕەزای خوای لێبێت- پرسیاری لە پێغەمبەر -صلى الله علیه وسلم- کرد کە چی لە سزای قیامەت ڕزگاری دەکات، ئەمەش لە نیشانەی سووربوون وخەمخۆری مسوڵمانە سەبارەت بە قیامەت. پێغەمبەر -صلى الله علیه وسلم- پێی فەرموو: «زمانت بگرە وبیپارێزە» پێغەمبەر -صلى الله علیه وسلم- ڕێنمایی کرد بۆ پاراستنی زمانی؛ ئەمەش بەهۆی ترسناکی زمان وزۆری زیانی، بۆیە پێویستە مسوڵمان زمانی بپارێزێت، وبێدەنگی بەلاوە باشتر بێت وەکو قسەکردن مەگەر بۆ شتێک نەبێت کە سوودی هەبێت بۆ قیامەت یان هەرشتێک کە پێویست بێت قسە بکات، ئەگەر نا ئەوا لە شتی بێ سووددا باشتر وایە قسە نەکات. «وبا ماڵەکەت بەس بێت بۆت»، واتا: مرۆڤ پێویست بە زۆری لە ماڵدا بێت وتەنها بۆ شتی پێویست لە ماڵ دەربچێت، وبێزار نەبێت لە زۆر دانیشتن لە ماڵەوە، بەڵکو وەکو دەستکەوت وایە کە مرۆڤ ڕزگاری دەبێت لە شەڕ وبەڵا وفیتنەکان کە لەوەیە تووشی ببێ بەهۆی زۆر تێکەڵاوبوون لە گەڵ خەڵکی. «وبگری بۆ تاوانەکانت» واتا: بگری ئەگەر توانیت، ئەگەر نا ئەوا زۆر لە خۆت بکە کە بگریت وپەشیمان بیتەوە لە تاوانەکانت، وتەوبە بکە بۆ لای خودا لەو تاوانانەی ئەنجامت داوە، چونکە خوای گەورە تەوبە قبوڵ دەکات لە بەندەکان ولە تاوان وگوناهەکان خۆش دەبێت.