الشرح

واتای فەرموودەکە: «ئەوەی پێی خۆشە»، واتا: ئاسوودەیە وحەزی لێیە. «کە خوای گەورە ڕزگاری بکات لە غەم وناڕەحەتیەکانی ڕۆژی قیامەت»، واتا: ڕزگاری بکات لە سەختی وناخۆشی وتەنگیەکانی ڕۆژی قیامەت. «ئەوا با داواکردنی قەرز دوا بخات یان لە قەرزەکە خۆش بێت لە کەسێک کە باری خراپە»، واتا: با داواکردنی قەرزەکەی دوا بخات لەو کاتەی کە دەبێت بدرێت، وماوەکەی بۆ درێژ بکاتەوە هەتاوەکو ئەوەندەی دەبێت کە قەرزەکە بداتەوە. «یان لە قەرزەکە خۆش بێت»، واتا: با لێی خۆش بێت لەو قەرزەکە لە هەمووی یان هەندێکی بە تایبەت بۆ کەسێک کە شایستە بێت، هەروەکو خوای گەورە دەفەرموێت: {وَإِنْ كَانَ ذُو عُسْرَةٍ فَنَظِرَةٌ إِلَى مَيْسَرَةٍ وَأَنْ تَصَدَّقُوا خَيْرٌ لَكُمْ إِنْ كُنْتُمْ تَعْلَمُونَ}[البقرة: 280]، واتە: {وئەگەر قەرزدار نەدار بوو ئەوا با مۆڵەتی بدرێت تا خودالێی ڕزقی پێدەدا وئەگەر لە (قەرزەکە) خۆش بن خێرتر وباشترە بۆتان ئەگەر تێبگەن}.