الشرح

لەم فەرموودەیەدا عوسمانی کوڕی ئەبی عاس -ڕەزاى خواى لێبێت- شوێنێکی لاشەی ئازاری هەبوو وپێغەمبەر -صلى اللە علیە وسلم- پرسیاری دەربارەی حاڵی کرد وپێی فەرموو کە ئەم نزایە بخوێنێت: «دەستت لەسەر ئەو شوێنەى لاشەت دابنێ کە ئازاری هەیە، وبڵێ: (بسم الله) سێ جار، پاشان حەوت جار بڵێ: (أعوذُ بعزة الله وقُدرتِه من شَرِّ ما أجد وأُحاذر)»، وتنی ئەم نزایە لە هۆکارەکانى شیفایە، وئەگەر مرۆڤ ئازار یان نەخۆشی هەبوو پێویسە هەمان کردەوە دووبارە بکاتەوە بە هەمان شێوە وبڕ، ئەگەر باوەڕدار بە یەقین ودڵنیاییەوە ئەم نزایە بخوێنێت کە باوەڕی وابێت خودا نزاکەی وەڵام دەداتەوە؛ ئەوا لەوەیە دەستبەجێ سوودی بۆی هەبێت وئازارەکەم کەم بێتەوە وخودا شیفای بۆ بنێرێت، ئەم نزایە بەهێزترە لە دەرمانەکان: حەبەکان وشروبەکان ودەرزیەکان؛ چونکە تۆ لەم نزایەدا پەنا دەگریت بەو زاتەی کە هەموو شتێک لە ئاسمانەکان وزەویدا موڵکی ئەوە وئەو ئەم نەخۆشیانەی دابەزاندووە بۆ تاقیکردنەوە ولێخۆشبوون وپلە بەرزکردنەوەى بەندەکانی بۆیە تەنها ئەو دەتوانێت تۆ بپارێزێت.