الشرح

ਉਸਮਾਨ ਬਿਨ ਅਬੀ ਅਲ-ਆਸ ਰਜ਼ੀਅੱਲਾਹੁ ਅਨਹੁ ਨੂੰ ਇੱਕ ਐਸਾ ਦਰਦ ਹੋ ਗਿਆ ਜੋ ਉਨ੍ਹਾਂ ਦੀ ਜ਼ਿੰਦਗੀ ਲਈ ਖਤਰਾ ਬਣ ਗਿਆ। ਤਾਂ ਨਬੀ ਕਰੀਮ ﷺ ਉਨ੍ਹਾਂ ਦੀ ਅਯਾਦਤ (ਵਿਜ਼ਿਟ) ਲਈ ਆਏ।ਆਪ ﷺ ਨੇ ਉਨ੍ਹਾਂ ਨੂੰ ਇੱਕ ਦੁਆ ਸਿਖਾਈ ਜਿਸ ਦੀ ਬਰਕਤ ਨਾਲ ਅੱਲਾਹ ਤਆਲਾ ਉਸ ਉਤੇ ਆਇਆ ਹੋਇਆ ਰੋਗ ਦੂਰ ਕਰ ਦੇਂਦਾ ਹੈ। ਉਹ ਦੁਆ ਇਹ ਹੈ:ਉਹ ਆਪਣੇ ਸਰੀਰ ਦੇ ਜਿਸ ਹਿੱਸੇ ਵਿੱਚ ਦਰਦ ਮਹਿਸੂਸ ਕਰ ਰਿਹਾ ਹੋਵੇ, ਉੱਥੇ ਆਪਣਾ ਹੱਥ ਰਖੇ ਅਤੇ ਤਿੰਨ ਵਾਰੀ ਕਹੇ: "ਬਿਸਮਿੱਲਾਹ" ਫਿਰ ਸੱਤ ਵਾਰੀ ਕਹੇ:"ਅਊਜ਼ੁ ਬਿੱਲਾਹੀ ਵਕੁਦਰਤਿਹੀ ਮਿਨ ਸ਼ੱਰਿ ਮਾ ਅਜਿਦੁ ਵਅੁਹਾਯਿਰ" (ਅਰਥ: ਮੈਂ ਅੱਲਾਹ ਅਤੇ ਉਸ ਦੀ ਤਾਕਤ ਦੀ ਪਨਾਹ ਲੈਂਦਾ ਹਾਂ, ਉਸ ਬੁਰੇ ਤੋਂ ਜੋ ਮੈਨੂੰ ਇਸ ਵੇਲੇ ਮਹਿਸੂਸ ਹੋ ਰਿਹਾ ਹੈ ਅਤੇ ਜਿਸ ਤੋਂ ਮੈਂ ਡਰਦਾ ਹਾਂ ਕਿ ਕਿਤੇ ਭਵਿੱਖ ਵਿੱਚ ਨਾ ਹੋ ਜਾਏ) ਇਹ ਦੁਆ ਸਿਰਫ਼ ਮੌਜੂਦਾ ਦਰਦ ਤੋਂ ਨਹੀਂ,ਸਗੋਂ ਉਸ ਪਰੇਸ਼ਾਨੀ, ਡਰ ਜਾਂ ਰੋਗ ਦੇ ਵਧਣ ਜਾਂ ਵਿਆਪਣ ਦੇ ਖ਼ਤਰੇ ਤੋਂ ਵੀ ਹਫ਼ਾਜ਼ਤ ਦਿੰਦੀ ਹੈ।