إعدادات العرض
Wẽnd kãaba Yahuud-rãmba la Nasaar-rãmbã, b rɩka b nabiyaam-rãmbã yaad tɩ yaa miisa
Wẽnd kãaba Yahuud-rãmba la Nasaar-rãmbã, b rɩka b nabiyaam-rãmbã yaad tɩ yaa miisa
Yii a ʿAɑɩša sẽn yaa muumin-rãmbã ma wã nengẽ (Wẽnd yard be a yĩnga): a yeelame: Wẽnd Tẽn-tʋʋmã yeelame (Wẽnd pʋʋsg lɑ A tɩlgr be ɑ yĩngɑ): «Wẽnd kãaba Yahuud-rãmba la Nasaar-rãmbã, b rɩka b nabiyaam-rãmbã yaad tɩ yaa miisa». A yeelame: sã n ka rẽ yĩnga, b rag n na vẽneg Nabiyaamã yaoogã, la a d b yεεsame tɩ b ra wa rɩk-a n maan tɩ yaa misr ye.
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Português Tiếng Việt অসমীয়া Nederlands Kiswahili සිංහල ગુજરાતી Magyar ქართული Română ไทย తెలుగు मराठी دری አማርኛ Kurdî Malagasy Македонски ភាសាខ្មែរ Українська ਪੰਜਾਬੀ پښتوالشرح
A ʿAɑɩša sẽn yaa muumin-rãmbã ma wã nengẽ (Wẽnd yard be a yĩnga) kõta kibare, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame a bãag ning sẽn keng-a t'a maan kaalem a pʋgẽ wã: tɩ Wẽnd kãaba Yahuud-rãmbã la Nasar-rãmbã, n rig-b n zãag A yolsgã, la rẽnda sabab yaa tɩ b rɩka b nabiyaam-rãmbã yaad tɩ yaa miisa, la rẽ yaa b sẽn na n me a zugu, n pʋʋsd beenẽ, maa n pʋʋsd n teesd-a. Rẽ poorẽ t'a yeele (Wẽnd yard be a yĩnga) sã n rag n ka rẽ, la Nabiyaamã sẽn bugsi (Wẽnd pʋʋsg lɑ A tɩlgr be ɑ yĩngɑ) la sahaabsã sẽn yeesd tɩ b ra wa maan Nabiyaamã yaoogo, (Wẽnd pʋʋsg lɑ A tɩlgr be ɑ yĩngɑ) wala Yahuud-rãmbã la Nasaar-rãmbã sẽn tʋm ne b nabiyaam-rãmbã yaadã, b rag n na vẽneg Nabiyaamã yaoogã, n me-a n zẽke.فوائد الحديث
Yãwã yaa sẽn be Nabiyaamã no-gomd baasdẽ wã, sẽn wilgd a sẽn be sʋka la a sẽn ning a toaag ne-a.
Yaa gɩdgr sẽn kenge la hareeng sẽn yaa kεgenga, tɩ b ra wa rɩk yaadã tɩ yaa miisa n pʋʋsd beenẽ, sã n ka kũum Pʋʋsgo, bala yẽnda yaa sabab tɩ b zɩsgd kiidã la b gilgd a yaoogã, la b saagd a yaoogã zeng-raado la b boond a yʋʋrã, la ad yẽ fãa yaa lagem-n-taar la lagem-n-taar soya.
Wilgda Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) sẽn tar ning toaag wʋsgo, ne Wẽn-yembgã la a sẽn yεεsd tɩ b ra wa tʋg n zɩsg yaadã, bala rẽnda yaa bũmb sẽn tar n rabd lagem-n-taarẽ.
Wẽnde (A Naam zẽk yã) A gũu A Nabiyaamã (Wẽnd pʋʋsg lɑ A tɩlgr be ɑ yĩngɑ) tɩ b ra maan lagem-n-taar a yaoogẽ wã ye, t'A leems a sahaabsã la neb nins sẽn be sahaabsã poorẽ, tɩ b gũ a yaoogã, tɩ b ka me-a n zẽk ye.
Sahaabsã (Wẽnd yard be b yĩnga) sẽn tʋm ne Nabiyaamã sagellã (Wẽnd pʋʋsg lɑ A tɩlgr be ɑ yĩngɑ) la b sẽn tar nong-kεgeng ne Wẽn-yembgã.
Yaa sẽn gɩdg tɩ b ra tʋg n tall wõnes-n-taar ne Yahuud-rãmbã la Nasaar-rãmbã, n leb n wilgdẽ tɩ yaadã zug meeb yaa bãmb na-kẽndre.
Sẽn be rɩk yaadã tɩ yaa miisã wã pʋgẽ, yaa Pʋʋsgã yaadẽ wã la Pʋʋs n tees yaadẽ wã, baa tɩ b ka me miisa b zugu.