إعدادات العرض
“Allahu i mallkoftë hebrenjtë dhe të krishterët. Varret e të dërguarve të tyre i kanë bërë faltore!”
“Allahu i mallkoftë hebrenjtë dhe të krishterët. Varret e të dërguarve të tyre i kanë bërë faltore!”
Aishja (Allahu qoftë i kënaqur me të!) tregon se i Dërguari i Allahut ﷺ, gjatë sëmundjes, prej së cilës nuk u çua më, ka thënë: “Allahu i mallkoftë hebrenjtë dhe të krishterët. Varret e të dërguarve të tyre i kanë bërë faltore!” Ajo tha: “Po të mos ishte kjo fjalë, do të ekspozohej varri i tij. Ai frikësohej se varrin do t'ia shndërronin në faltore.”
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी ئۇيغۇرچە Hausa Português Tiếng Việt অসমীয়া Nederlands Kiswahili සිංහල ગુજરાતી Magyar ქართული Română ไทย తెలుగు मराठी دری አማርኛ Kurdî Malagasy Македонски ភាសាខ្មែរ Українська ਪੰਜਾਬੀ پښتو Moore Wolof മലയാളം Svenska தமிழ் မြန်မာ ಕನ್ನಡالشرح
Aishja, e bija e Ebu Bekrit (Allahu qoftë i kënaqur me të dytë!), ka treguar se Profeti ﷺ, gjatë sëmundjes së tij, e cila iu rëndua dhe çoi në vdekjen e tij, tha: "Allahu i mallkoftë hebrenjtë dhe të krishterët dhe i largoftë nga mëshira e Tij, sepse ata i morën varret e profetëve të tyre si vende adhurimi, duke ndërtuar mbi to, duke u falur tek ato, ose duke u drejtuar nga ato gjatë adhurimit." Pastaj, ajo (Allahu qoftë i kënaqur me të!) tha: "Po të mos ishte ai ndalim dhe ai paralajmërim nga Profeti ﷺ, si dhe frika e sahabëve se varri i tij mund të trajtohej ashtu siç hebrenjtë dhe të krishterët trajtuan varret e profetëve të tyre, varri i tij do të ishte bërë i dukshëm dhe i theksuar."فوائد الحديث
Kjo është një nga porositë e tij të fundit, gjë që tregon rëndësinë e saj dhe nevojën për t’i kushtuar vëmendje të madhe.
Ndalimi i prerë dhe i rreptë për marrjen e varreve si vende adhurimi, ose për t’u falur me qëllim tek ato, përveç namazit të xhenazes, pasi kjo çon në madhërimin e të vdekurit, në tavaf rreth varrit të tij, në prekjen e qosheve të tij, ose në thirrjen e emrit të tij. Të gjitha këto janë prej shirkut dhe rrugëve që të çojnë tek ai.
Interesimi i madh dhe kujdesi i të Dërguarit të Allahut ﷺ për teuhidin dhe frika e tij nga madhërimi i varreve, sepse kjo çon drejt shirkut.
Allahu i Lartësuar e ka mbrojtur Profetin e Tij ﷺ, që në varrin e tij të mos bëhen vepra shirku. Ai i ka frymëzuar sahabët dhe ata që erdhën pas tyre që ta ruajnë varrin e tij, duke mos e bërë të dukshëm apo të ngritur.
Sahabët (Allahu qoftë i kënaqur me ta!) iu përmbajtën këshillës së Profetit ﷺ dhe ishin të kujdesshëm për ta ruajtur teuhidin (besimin e pastër monteist).
Ndalohet imitimi dhe përngjasimi i hebrenjve dhe të krishterëve, dhe ndërtimi mbi varre është prej praktikave të tyre.
Nga shndërrimi i varreve në faltore - xhami, është namazi në to dhe në drejtim të tyre, edhe nëse nuk është ndërtuar faltore (mbi to).