الشرح

नबी (सल्लल्लाहु अलैहि वसल्लम) ले एक दिन फज्रको नमाज पढाउनुभयो र त्यसपछि सोध्नुभयो: के हाम्रो यो नमाजमा फलानो मान्छे उपस्थित छ? सहाबाहरूले भने: छैन । त्यसपछि उहाँले अर्को व्यक्तिको बारेमा सोध्नुभयो: "के फलानो उपस्थित छ?" उनीहरूले भने: छैन । नबी (सल्लल्लाहु अलैहि वसल्लम) ले भन्नुभयो : वास्तवमा, फज्र र इशाको सलाह मुनाफिक (पाखण्डी) हरूका लागि सबैभन्दा गाह्रो हुन्; किनभने त्यतिबेला सुस्ती हुन्छ र अँध्यारोले गर्दा मानिसहरूले तिनीहरूलाई देख्न सक्दैनन् । हे मुमिनहरू, यदि तपाईंहरूलाई फज्र र इशाको सलाहमा कति पुण्य र अतिरिक्त इनाम छ थाहा भएको भए तपाईंहरूले आफ्नो हात र घुँडा टेकेर भएपनि पक्कैपनि आउने थियौ; किनभने इनाम कठिनाइको समानुपातिक छ । इमामको नजिक उपासकहरूको पहिलो पङ्क्ति अल्लाहको नजिक फरिश्ताहरूको पङ्क्ति जस्तै हो र यदि आस्थावानहरूले पहिलो पङ्क्तिको सद्गुण थाहा पाएको भए तिनीहरू त्यसको लागि प्रतिस्पर्धा गर्ने थिए । दुइजना मिलेर सलाह पढ्नु सवाब (पुण्य) को हिसाबले एक्लै सलाह पढ्नु भन्दा राम्रो हो र तीन जना मिलेर सलाह पढ्नु दुइजना भन्दा राम्रो हो । जुन सलाहमा जति धेरै उपासकहरू हुन्छन्, त्यो अल्लाहलाई त्यति नै बढी प्रिय र उत्कृष्ट हुन्छ ।