الشرح

Peyğəmbər (Allahın salavatı və salamı onun üzərinə olsun) bir gün sübh namazını qıldı, sonra soruşdu: Bizim bu namazımızda filankəs varmı? Səhabələr dedilər: "Xeyr" Sonra başqa şəxs haqqında dedi: Filənkəs varmı?" Dedilər: Xeyr. Allah Rəsulu (Allahın salavatı və salamı onun üzərinə olsun) dedi: Həqiqətən sübh və işa namazları münafiqlər üçün ən çətin namazlardır; çünki bu namazlarda tənbəllik daha çox olur və qaranlıqda görünə bilmədikərindən dolayı bu namazlarda riyaya az nail olurlar. Ey iman gətirənlər, əgər sübh və işa namazlarında olan əcr və əlavə savabı bilsəydiniz - çünki savab çətinlik miqdarında olur - sürünərək və ya əl-diz üstə hərəkət edərək olsa da belə, bu namazlara gələrdiniz. İmama yaxın olmasında birinci səff, Uca Allaha yaxınlıqda mələklərin səffi kimidir və əgər möminlər birinci səffin fəzilətinin nə olduğunu bilsəydilər, onun üçün bir-biriləri ilə yarışardılar. Bir kişinin başqa bir kişi ilə qıldığı namaz, tək qıldığı namazdan savab və təsir baxımından daha böyükdür və onun iki kişi ilə qıldığı namaz bir kişi ilə qıldığı namazdan daha fəzilətlidir. Çox namaz qılanların olduğu (camaat) namazı Allaha daha sevimlidir və daha fəzilətlidir.