إعدادات العرض
मुमिन (आस्थावान) पुरुष र मुमिन महिलालाई आफ्नो जीउधन र सन्तानमा सधैं परीक्षाहरू जारी रहन्छ । यहाँसम्म उनीहरू कुनै…
मुमिन (आस्थावान) पुरुष र मुमिन महिलालाई आफ्नो जीउधन र सन्तानमा सधैं परीक्षाहरू जारी रहन्छ । यहाँसम्म उनीहरू कुनै पाप नरहेको अवस्थामा अल्लाहलाई भेट्ने छन् ।
अबू-हुरैरह (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ : "मुमिन (आस्थावान) पुरुष र मुमिन महिलालाई आफ्नो जीउधन र सन्तानमा सधैं परीक्षाहरू जारी रहन्छ । यहाँसम्म उनीहरू कुनै पाप नरहेको अवस्थामा अल्लाहलाई भेट्ने छन् ।"
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Hausa Kurdî Kiswahili Português සිංහල አማርኛ অসমীয়া ગુજરાતી Tiếng Việt Nederlands پښتو ไทยالشرح
नबी (सल्लल्लाहु अलैहि वसल्लम) ले भन्नुभएको छ, दु:ख, पीडा र परीक्षाहरूले मुमिन पुरुष र मुमिन महिलालाई कहिल्यै छोड्दैन । त्यो कहिले जीवनमा हुन्छ, जस्तै स्वास्थ्य बिग्रियो वा सन्चो छैन । कहिले सन्तानमा हुन्छ, जस्तै कोही बिरामी भयो, कोही मरे, कोही आमाबुवाको अनाज्ञाकारी र बदमास भयो । कहिले सम्पत्तिमा हुन्छ, जस्तै गरिबी, व्यापार पतन, घाटा वा चोरी हुन्छ र जीविकोपार्जन गाह्रो हुन्छ । त्यसपछि यी परीक्षाहरूको परिणाम स्वरूप अल्लाहले उसका सबै पापहरू मेटाइ दिनुहुन्छ र अन्तमा जब ऊ अल्लाहलाई भेट्छ, तब उसले गरेका सबै पापहरूबाट शुद्ध हुन्छ ।فوائد الحديث
आस्थावान भक्तहरूमाथि अल्लाहको कृपाको एउटा उदाहरण के छ भने उहाँले तिनीहरूबाट भएका पापहरूलाई सांसारिक समस्याहरू र विपत्तिहरू दिएर पखाल्नु हुन्छ ।
आस्थावानलाई कुनै विपत्ति आउँछ भने यसले पापहरू क्षमा गर्छ र जब सेवक धैर्यवान छ र क्रोधित हुँदैन भने उसले पुण्य पाउनेछ ।
मनपर्ने र नपर्ने सबै कुराहरूमा धैर्य गर्ने प्रेरित । अल्लाहको पुण्यको आशा गर्दै र उहाँको दण्डबाट भयभित हुँदै धैर्यताका साथ अल्लाहको आज्ञा पालन गर्नुपर्छ र उहाँले निषेधित गर्नुभएको कुराबाट टाढा बस्नु पर्छ ।
उहाँको भनाइ: "मुमिन पुरुष र मुमिन महिला" यसमा "मुमिनह" शब्द थपेर नारीको महत्वलाई दर्शाइएको प्रमाण हो । किनभने "मुमिन" शब्द पुरुषहरूका लागि विशेष होइनन्; यसमा महिला पनि समावेश छन् । त्यसैले जसरी महिलालाई विपत्तिमा समावेश गरिएको छ त्यसरी तिनलाई पाप र कुकर्महरूबाट प्रायश्चित गर्दा समान इनामको प्रतिज्ञा गरिएको छ ।
विपत्तिबाट प्राप्त हुने पुण्यले भक्तको पीडालाई विस्तारै सहज बनाउछ ।