الشرح

रसूल (सल्लल्लाहु अलैहि वसल्लम) ले हामीलाई भन्नुभएको छ, यदि एक मुस्लिमले जमातका साथ सलाह पढ्छ भने, त्यो उसको घर वा बजारमा पढिएको सलाह भन्दा बीस गुणा राम्रो हुन्छ । त्यसपछि उहाँले त्यसको कारण बताउनुभयो: यदि कुनै व्यक्तिले वोजू गर्छ र राम्रोसँग वोजू गर्छ अनि नमाज पढ्ने मनसायले मस्जिद जान्छ भने उसले चालेको हरेक कदमप्रति एउटा पुण्य पाउँछ र उसको एउटा पाप मेटाइन्छ । यदि ऊ मस्जिदमा प्रवेश गर्छ र सलाहको लागि जबसम्म पर्खन्छ, उसले सलाहको पुण्य पाउनेछ र सलाह पढेर आफ्नो ठाउँमा जबसम्म बसिरहन्छ, फरिश्ता (स्वर्गदूत) हरूले उसको लागि प्रार्थना गर्छन् : "हे अल्लाह, उसलाई माफ गर्नुहोस्, हे अल्लाह, ऊ माथि कृपा गर्नुहोस्, हे अल्लाह, उसको पश्चात्ताप स्वीकार गर्नुहोस् ।" जबसम्म उसले आफ्नो वोजु तोड्दैन वा मानिसहरू वा स्वर्गदूतहरूलाई हानि पुर्‍याउने कुनै काम गर्दैन ।