فوائد الحديث

विपत्ति र संकट आइपर्दा प्रार्थनाद्वारा अल्लाहतर्फ फर्कनु पर्ने ।

संकट पर्दा यो प्रार्थना गर्न मुस्तहब हो।

परम दयालुको सिंहासन, जसमाथि उहाँ मुस्तवी (विराजमान) हुनुहुन्छ, त्यो सबै सृष्टिहरूमध्ये सर्वोच्च, महान र सबैभन्दा भव्य छ। रसूल (सल्लल्लाहु अलैहि वसल्लम) ले यसलाई भव्य र महानको रूपमा वर्णन गर्नुभयो।

आकाश र पृथ्वीलाई विशेष रूपमा उल्लेख गरिएको छ; किनभने यी मानिसहरूले देख्न सक्ने सबैभन्दा महान् सृष्टिहरूमध्ये पर्दछन्।

तीबीले भने: ताकि कठिनाइ हटाउने प्रसङ्गसँग मेल खाओस्, स्तुतिको सुरुवात रब(अल्लाह)को नामले गरिएको छ, किनभने ‘रब्ब’ भन्नाले पालनपोषण र हेरचाहको अर्थ दिन्छ। यसमा ‘ला इलाहा इल्लल्लाह’ (अल्लाह बाहेक कोही पूज्य छैन) भन्ने तौहीद समावेश छ, जुन अल्लाहको महानता र गौरवलाई शुद्ध रूपमा स्वीकार गर्ने आधार हो। महानता’ (अज़ीम) पूर्ण शक्ति र सामर्थ्यलाई जनाउँछ। ‘धैर्य’ (हलीम) भनेको ज्ञानलाई जनाउँछ, किनभने अज्ञान व्यक्तिबाट धैर्य वा उदारता सम्भव हुँदैन। यी दुई—धैर्य र उदारता—अल्लाहका सम्मानजनक गुणहरूको आधार हुन्।