الشرح

नबी (सल्लल्लाहु अलैहि वसल्लम) ले कुर्आन पढ्ने र यसबाट लाभान्वित हुने सन्दर्भमा मानिसहरूका प्रकारहरू व्याख्या गर्नुभयो: पहिलो श्रेणी: त्यो मुमिन जसले कुर्आन पढ्छ र त्यसबाट लाभ उठाउँछ, ऊ बिमिरो फल जस्तै हो, जसको स्वाद मिठो, सुगन्धित र रंग पनि सुन्दर हुन्छ र यसका फाइदाहरू धेरै छन् । तसर्थ, उसले पढे अनुसार अमल गर्छ र अल्लाहका सेवकहरूलाई फाइदा पुर्याउछ । दोस्रो: कुरआन नपढ्ने मुमिन, ऊ खजूर जस्तै हो, जसको स्वाद मीठो हुन्छ तर सुगन्धित हुँदैन । खजूरको स्वाद र भित्री भाग जसरी मिठासले भरिएको हुन्छ, त्यसरी नै उसको हृदय विश्वासले भरिएको छ । तर यसले सुगन्धित गर्दैन, किनभने उसले कुरआन पढेको छैन ताकि मानिसहरूलाई सुन्न सहज होस् । तेस्रो: कुर्आन पढ्ने मुनाफिक तुलसी जस्तै हो, जसको सुगन्ध राम्रो हुन्छ, तर स्वाद तितो हुन्छ, किनकि उसले आफ्नो हृदयमा इमानको दियो बालेको छैन, नत उसले कुर्आन अनुसार हिँडेको छ, तर मानिसहरूलाई ऊ मुमिन हो भनेर देखाउँछ । यसको मीठो सुगन्ध उसको तिलावतसँग मिल्दोजुल्दो छ र यसको तितो स्वाद उसको कुफ्र (अविश्वास) सँग मिल्दोजुल्दो छ । चौथो: कुरआन नपढ्ने पाखण्डी 'इन्द्रायण' जस्तै हो, जसमा कुनै सुगन्ध छैन र उसको स्वाद पनि तितो छ । यसको सुगन्धको अभाव त्यसको सुगन्धको अभाव जस्तै हो, किनभने कुर्आन पढेको छैन । यसको स्वादको तीतोपन उसको अविश्वासको तीतोपन जस्तै छ, किनकि उसको भित्री विश्वास विहीन छ र बाहिरबाट कुनै फाइदा छैन, वास्तवमा यो हानिकारक छ ।