الشرح

नबी (सल्लल्लाहु अलैहि वसल्लम) ले भन्नुभएको छ, जसले मुअज्जिनले अजान दिएको सुनेपछि भन्छ : "अश्हदु अल्ला इलाह इल्लल्लाहु वह्-दहू ला शरीक लहु” अर्थ: म पुष्टि गर्दछु, स्वीकार गर्दछु र गवाही दिन्छु, अल्लाह बाहेक अरू कोही सत्य पूज्य छैनन् र उहाँ बाहेक अन्य सबै देवताहरू मिथ्या हुन् । "व अन्न मुहम्मदन् अब्दुहू व रसूलुहु" अर्थ: मुहम्मद अल्लाहको भक्त हुनुहुन्छ, जसको पूजा गरिदैन र उहाँ अल्लाहको रसूल हुनुहुन्छ, जसलाई झुठो भन्न सकिदैन भनेर स्वीकार गर्दछु । "रजीतु बिल्लाहि रब्बा" अर्थ: म अल्लाहसँग पालनकर्ता, पूज्य र उहाँका नाम र गुणहरूद्वारा उहाँसंग सन्तुष्ट छु । "व बि मुहम्मदिन् रसूला" अर्थ: मुहम्मद (सल्लल्लाहु अलैहि वसल्लम) लाई जुन कुराहरू दिएर पठाइयो र उहाँले हामीलाई जे तबलीग गर्नुभयो ती सबैलाई म स्वीकार गर्दछु । "व बिल्-इस्लामि" अर्थ: आदेश र निषेध सहित इस्लामका सम्प्रापूर्वण धानहरुलाई स्वीकार गर्दछु । "दीनन्" अर्थ: विश्वास र समर्पणका साथ । "उनका पापहरू क्षमा हुनेछन्," अर्थ: साना पापहरू ।