الشرح

ਅਲੀ ਬਿਨ ਅਬੀ ਤਾਲਿਬ ਰਜ਼ੀਅੱਲਾਹੁ ਅਨਹੁ ਕਹਿੰਦੇ ਹਨ ਕਿ ਉਨ੍ਹਾਂ ਦੀ ਅਕਸਰ ਮਜ਼ੀ ਨਿਕਲ ਜਾਂਦੀ ਸੀ। ਅਸਲ ਵਿੱਚ ਮਜ਼ੀ ਇੱਕ ਪ੍ਰਕਾਰ ਦਾ ਪਤਲਾ, ਚਿਪਚਿਪਾ ਤੇ ਸਫੈਦ ਪਾਣੀ ਹੁੰਦਾ ਹੈ ਜੋ ਕਾਮਵਾਸਨਾ ਦੇ ਸਮੇਂ ਜਾਂ ਸੰਭੋਗ ਤੋਂ ਪਹਿਲਾਂ ਲਿੰਗ (ਗੁਪਤ-ਅੰਗ) ਤੋਂ ਨਿਕਲਦਾ ਹੈ। ਅਤੇ ਉਨ੍ਹਾਂ ਨੂੰ ਪਤਾ ਵੀ ਨਹੀਂ ਸੀ ਕਿ ਮਜ਼ੀ ਨਿਕਲਣ ਤੋਂ ਬਾਅਦ ਕੀ ਕਰਨਾ ਚਾਹੀਦਾ ਹੈ। ਲੇਕਿਨ ਨਬੀ ﷺ ਤੋਂ ਪੁੱਛਣ ਵਿੱਚ ਸ਼ਰਮਾ ਰੁਕਾਵਟ ਬਣਦੀ ਸੀ, ਕਿਉਂਕਿ ਆਪ ﷺ ਦੀ ਬੇਟੀ ਫਾਤਿਮਾ ਰਜ਼ੀਅੱਲਾਹੁ ਅਨਹਾ ਦਾ ਉਨ੍ਹਾਂ ਨਾਲ ਨਿਕਾਹ ਹੋਇਆ ਸੀ। ਇਸ ਲਈ ਉਨ੍ਹਾਂ ਨੇ ਮਿਕਦਾਦ ਬਿਨ ਅਸਵਦ ਰਜ਼ੀਅੱਲਾਹੁ ਅਨਹੁ ਨੂੰ ਕਿਹਾ ਕਿ ਉਹ ਅੱਲਾਹ ਦੇ ਨਬੀ ﷺ ਤੋਂ ਇਸ ਬਾਰੇ ਪੁੱਛਣ। ਇਸ 'ਤੇ ਅੱਲਾਹ ਦੇ ਨਬੀ ﷺ ਨੇ ਜਵਾਬ ਦਿੱਤਾ ਕਿ ਉਹ ਪਹਿਲਾਂ ਆਪਣਾ ਗੁਪਤ-ਅੰਗ ਧੋ ਲੈਣ ਅਤੇ ਉਸ ਤੋਂ ਵੁਜ਼ੂ ਕਰ ਲੈਣ।