الشرح

ਇੱਥੇ ਅਬਦੁੱਲਾਹ ਬਿਨ ਜ਼ੈਦ (ਰਜ਼ੀਅੱਲਾਹੁ ਅਨਹੁ) ਨੇ ਅਮਲੀ ਤੌਰ 'ਤੇ ਅੱਲਾਹ ਦੇ ਨਬੀ ﷺ ਦੇ ਵੁਜ਼ੂ ਦਾ ਤਰੀਕਾ ਬਿਆਨ ਕੀਤਾ ਹੈ। ਉਨ੍ਹਾਂ ਨੇ ਪਾਣੀ ਦਾ ਇੱਕ ਛੋਟਾ ਜਿਹਾ ਭਾਂਡਾ (ਬਰਤਨ) ਮੰਗਵਾਇਆ। ਸਭ ਤੋਂ ਪਹਿਲਾਂ ਆਪਣੇ ਦੋਵੇਂ ਹੱਥਾਂ ਨੂੰ ਧੋਇਆ। ਉਹ ਇਸ ਤਰੀਕੇ ਨਾਲ ਕਿ ਭਾਂਡੇ ਨੂੰ ਝੁਕਾ ਕੇ ਦੋਵੇਂ ਹੱਥਾਂ 'ਤੇ ਪਾਣੀ ਪਾਇਆ ਅਤੇ ਉਨ੍ਹਾਂ ਨੂੰ ਤਿੰਨ ਵਾਰ ਭਾਂਡੇ ਤੋਂ ਬਾਹਰ ਧੋਇਆ। ਫਿਰ ਆਪਣਾ ਹੱਥ ਭਾਂਡੇ ਵਿੱਚ ਪਾ ਕੇ ਤਿੰਨ ਚੁੱਲੂ (ਮੁੱਠੀ) ਭਰ ਕੇ ਪਾਣੀ ਲਿਆ ਅਤੇ ਹਰ ਚੁੱਲੂ ਤੋਂ ਕੁੱਲੀ ਕੀਤੀ, ਨੱਕ ਅੰਦਰ ਪਾਣੀ ਪਾਇਆ ਅਤੇ ਨੱਕ ਝਾੜਿਆ। ਫਿਰ ਭਾਂਡੇ ਵਿੱਚੋਂ ਤਿੰਨ ਚੁੱਲੂ ਪਾਣੀ ਲੈ ਕੇ ਤਿੰਨ ਵਾਰ ਆਪਣੇ ਚਿਹਰੇ ਨੂੰ ਧੋਇਆ। ਫਿਰ ਉਸ 'ਚੋਂ ਪਾਣੀ ਲੈ ਕੇ ਆਪਣੇ ਹੱਥਾਂ ਨੂੰ ਕੂਹਣੀਆਂ ਸਮੇਤ ਦੋ ਵਾਰੀ ਧੋਇਆ। ਫਿਰ ਭਾਂਡੇ ਵਿੱਚ ਹੱਥ ਪਾਇਆ ਅਤੇ ਦੋਵੇਂ ਹੱਥਾਂ ਨਾਲ ਆਪਣੇ ਸਿਰ ਦਾ ਮਸਾਹ ਕੀਤਾ (ਗਿੱਲਾ ਹੱਥ ਫੇਰਿਆ)। ਮਸਾਹ ਕਰਨ ਦੀ ਸ਼ੁਰੂਆਤ ਆਪਣੇ ਸਿਰ ਦੇ ਅਗਲੇ ਹਿੱਸੇ ਤੋਂ ਕੀਤਾ ਅਤੇ ਹੱਥਾਂ ਨੂੰ ਗਰਦਨ ਦੇ ਉੱਪਰਲੇ ਹਿੱਸੇ (ਗੁੱਦੀ) ਤੱਕ ਪਹੁੰਚਾਇਆ। ਫਿਰ ਦੋਵੇਂ ਹੱਥਾਂ ਨੂੰ ਵਾਪਸ ਉੱਥੇ ਹੀ ਲਿਆਂਦਾ, ਜਿਥੋਂ ਸ਼ੁਰੂ ਕੀਤਾ ਸੀ। ਫਿਰ ਦੋਵੇਂ ਪੈਰਾਂ ਨੂੰ ਗਿੱਟਿਆਂ ਸਮੇਤ ਧੋਇਆ।