فوائد الحديث

ابن دقیق العید ویلي: دا لوی حدیث دی چې ډېری علوم، قواعد او آداب یې راغونډ کړي دي، پدې کې د مسلمانانو د اړتیاوو د پوره کولو او تر خپلې وسې هغوی ته د ګټې رسولو فضیلت دی لکه: زده کړه، مال، مرسته، یو ګټور کار ته لارښوونه، نصیحت کول او داسې نور.

تنګلاسي سره آسانۍ کولو ته هڅوونه.

مسلمان بنده سره په مرستې کولو ټینګار، او دا چې الله تعالی مرسته کوونکي سره د خپل ورور د مرستې په پایله کې مرسته کوي.

پر مسلمان د پردې اچولو له جملې څخه: د هغه د عیبونو پسې نه ګرځېدل دي، له ځینو سلفو څخه روایت دی هغه ویلي: "زه داسې خلک پېژنم چې هېڅ عیب یې نه درلوده، تر دې چې د خلکو عیبونه یې راوسپړل نو خلکو د دوی عیبونه راوسپړل، او داسې خلک مې هم ولیدل چې عیبونه یې درلودل، خو د خلکو د عیبونو له یادولو یې ډډه کوله، نو د دوی عیبونه هم د خلکو هېر شول.

پر خلکو د پردې اچول دا ندي چې منکر په خپل حال پرېښودل شي او مخنیوی یې ونه شي، بلکې منکر باید بدلون ومومي او پټ شي، دا د هغه چا په هکله دي چې څوک مفسد او سرکښ نه وي. او څوک چې په فساد کولو پېژندل شوی وي نو مستحب دا دي چې پرده پرې وا نه چول شي، بلکې که چېرته له فساد څخه لاس په سر نه شي، نو په اړه یې چارواکو ته خبر ورکول کېږی؛ ځکه چې پرده اچول یې لا زیات فساد کولو ته هڅوي او د بندګانو په زورونه یې لاپسې زړور کوي، همدا رنګه نور ضدي او شرپسندو ته جرأت ورکوي.

د علم پر زده کړې، او د قرآن کریم په تلاوت او تدریس باندې ټینګار.

نووي وایي: پدې کې په جومات کې د قرآن کریم د تلاوت لپاره د راټولېدو د فضیلت ثبوت دی ... همدا رنګه د دې فضیلت په تر لاسه کولو کې په مدرسه او یا د الله په لار کې د وتلو په موخه یو ځای کېدل هم همداسې دي ان شاء الله.

الله تعالی د اعمالو بدل په عملونو ورکوي نه نسبونو سره.