إعدادات العرض
Жанобатдан ғусл қилиш сифати
Жанобатдан ғусл қилиш сифати
Мўминлар онаси Маймуна разияллоҳу анҳодан ривоят қилинади: «Набий соллаллоҳу алайҳи ва саллам учун ғусл қилишга сув қўйдим ва У зотни кийим билан тўсиб турдим. У зот қўлларига сув қуйиб, уларни ювдилар. Сўнгра ўнг қўллари билан чап қўлларига сув қуйиб, авратларини ювдилар. Кейин қўлларини ерга уриб ишқалаб, артдилар, сўнг ювдилар. Кейин оғиз ва бурунларини чайдилар, юзларини ва икки билакларини ювдилар. Сўнгра бошларига сув қуйиб, бутун баданларига сув етказдилар. Кейин бир четга чиқиб, икки оёқларини ювдилар. Мен У зотга артинишлари учун мато берган эдим, уни олмадилар-да, сувни қўлларидан сидирганча кетдилар».
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Tiếng Việt ئۇيغۇرچە Hausa Português Kurdî Kiswahili සිංහල دری অসমীয়া Svenska Кыргызча Yorùbá ગુજરાતી नेपाली മലയാളം Română Nederlands Soomaali پښتو తెలుగు Kinyarwanda ಕನ್ನಡ Српски Moore ქართული Čeština Magyar Українська Lietuvių Македонски Azərbaycan Wolof Malagasy Oromoo ไทย Deutsch मराठी ਪੰਜਾਬੀ አማርኛ ភាសាខ្មែរ Shqip தமிழ் မြန်မာالشرح
Мўминлар онаси Маймуна разияллоҳу анҳо Набий соллаллоҳу алайҳи ва салламнинг жанобатдан ғусл қилиш сифатлари ҳақида хабар бердилар. У зот ювинишлари учун сув қўйдилар ва парда билан тўсиб турдилар ва Набий соллаллоҳу алайҳи ва саллам қуйидаги ишларни бажардилар: Биринчи: Қўлларини идишга солишдан олдин сув қуйиб, икки қўлларини ювдилар. Иккинчи: Ўнг қўллари билан чап қўлларига сув қуйиб, авратларини ювдилар; бу жанобат асарларидан тозаланиш учун эди. Учинчи: Қўлларидаги нопокликни кетказиш учун қўлларини ерга (тупроққа) ишқаб, сўнг ювдилар. Тўртинчи: Оғизларига сув олиб, айлантириб, сўнг чиқардилар; ва истиншоқ қилдилар — яъни бурунларини тозалаш учун ичига нафас билан сув тортиб, сўнг қайтариб чиқардилар. Бешинчи: Юзларини ва икки билакларини ювдилар. Олтинчи: Бошларига сув қуйдилар. Еттинчи: Баданларининг қолган қисмига сув қуйдилар. Саккизинчи: Турган жойларидан бошқа ерга ўтиб, оёқларини ювдилар (чунки аввалроқ ювмаган эдилар). Сўнгра Маймуна онамиз артинишлари учун латта (сочиқ) келтирдилар, лекин У зот уни олмадилар. Баданларидаги сувни қўллари билан сидириб, силтаб ташлай бошладилар.فوائد الحديث
Набий соллаллоҳу алайҳи ва салламнинг аёллари умматга таълим бериш мақсадида У зотнинг ҳаётларидаги энг нозик тафсилотларни ҳам баён қилишга алоҳида эътибор қаратганлар.
Ғуслнинг бу кўриниши Набий соллаллоҳу алайҳи ва салламдан собит бўлган, жанобатдан тўлиқ покланиш (ғусл ал-комил) кайфиятларидан биридир. Аммо кифоя қиладиган (фарз амал бажариладиган) кўриниш эса — оғиз ва бурунни чайган ҳолда бутун баданга сув етказишдир.
Ғусл ёки таҳоратдан сўнг баданни мато (сочиқ) билан артиш ёки артмасдан қолдириш мубоҳ (ихтиёрий) амалдир.
التصنيفات
Ғусл