إعدادات العرض
Tànnloo wu ñu Yonnente bi ci diggante ñaari mbir lu dul ne jël na ba ca gën a yomb, fii ak nekkul bàkkaar, bu nekkee bàkkaar la moo koy gën a sori ci nit ñi
Tànnloo wu ñu Yonnente bi ci diggante ñaari mbir lu dul ne jël na ba ca gën a yomb, fii ak nekkul bàkkaar, bu nekkee bàkkaar la moo koy gën a sori ci nit ñi
Jële nañu ci Aysatu yaayu jullit ñi -yal na ko Yàlla dollee gërëm- mu wax ne: Tànnloo wu ñu Yonnente bi ci diggante ñaari mbir lu dul ne jël na ba ca gën a yomb, fii ak nekkul bàkkaar, bu nekkee bàkkaar la moo koy gën a sori ci nit ñi, te Yonnente Yàlla bi yal na ko Yàlla dolli xéewal ak mucc musul a fayyu ngir boppam lu dul ñu xotti wormay Yàlla, mu fayyu ko ngir Yàlla".
الترجمة
العربية বাংলা Bosanski English Español فارسی Français Bahasa Indonesia Tagalog Türkçe اردو 中文 हिन्दी Hausa Kurdî Português සිංහල Русский Kiswahili অসমীয়া Tiếng Việt ગુજરાતી Nederlands മലയാളം Română Magyar ქართული Moore ไทย Македонски తెలుగు मराठी ਪੰਜਾਬੀ دری አማርኛ Malagasy Українська ភាសាខ្មែរ ಕನ್ನಡ Svenska پښتوالشرح
Ndayu jullit ñi Aysatu yal na ko Yàlla dolli xéewal ak mucc day xibaare yenn jikkóy Yonente bi yal na ko Yàlla dolli xéewal ak mucc, bokk na ci yi mu tudd: mooy ne moom Yonente bi tànnloo wu ñu ko ci diggante ñaari mbir lu dul ne jël na ba ca gën a yomb fii ak ba gën a yomb nekkul di waral bàkkaar, lu ko moy jamono jooju moo koy gën a sori nit ñi daal di tànn ba gën a jafe. Ak Yonnente bi yal na ko Yàlla dolli xéewal ak mucc mu masula fayyu ngir boppam waaye da daan baale aka jéggale ci àqam lu dul ñu xotti wormay Yàlla yi bu ko defee mu fayu ngir Yàlla, te moo doon ki gën a tar ci nit ñi ag mer ñeel Yàlla.فوائد الحديث
Sopp nañu jël la gën a yomb ca mbir ya bu ci bàkkaar nekkul.
Yombug lislaam.
Yoonalees na mer ngir Yàlla mu kawe mi.
Li Yonente bi meloon ci lewet ak muñ ak taxaw ci dëgg ci taxawal daani Yàlla yi.
Ibn Hajar nee na: nekk na ci loo lu di bàyyi a jël mbir mu jafe, ak doyloo la yomb, ak bàyyi di nuur ci lu amul jafe-jafe.
Ñaaxe ci baale lu dul àqi Yàlla mu kawe mi.