“ចូរអ្នកក្រាបស៊ូជោតឲ្យបានច្រើន ព្រោះរាល់ពេលដែលអ្នកក្រាបស៊ូជោតដើម្បីអល់ឡោះម្តង…

“ចូរអ្នកក្រាបស៊ូជោតឲ្យបានច្រើន ព្រោះរាល់ពេលដែលអ្នកក្រាបស៊ូជោតដើម្បីអល់ឡោះម្តង ទ្រង់នឹងលើកតម្កើងឋានៈអ្នកមួយកម្រិត ហើយជម្រុះចោលបាបកម្មរបស់អ្នកមួយ”។

អំពី ម៉ាក់ហ្ទាន ពិន អាពូតល់ហះ អាល់យ៉ាក់ម៉ារី បាននិយាយថា៖ ខ្ញុំបានជួបសាវហ្ពាន ដែលជាអ្នកបម្រើរបស់រ៉ស៊ូលុលឡោះ ﷺ ។ ពេលនោះ ខ្ញុំបានសួរថា៖ សូមអ្នកប្រាប់ខ្ញុំពីទង្វើមួយដែលខ្ញុំធ្វើវាទៅ អល់ឡោះជាម្ចាស់នឹងបញ្ចូលខ្ញុំទៅក្នុងឋានសួគ៌ ឬគាត់បាននិយាយថា៖ ខ្ញុំបាននិយាយថា៖ ទង្វើមួយដែលអល់ឡោះស្រឡាញ់បំផុត។ ពេលនោះ គាត់នៅស្ងៀម។ បន្ទាប់មក ខ្ញុំបានសួរគាត់ម្តងទៀត ហើយគាត់នៅស្ងៀមដដែល។ បន្ទាប់មកទៀត ខ្ញុំក៏សួរគាត់ជាលើកទីបី ពេលនោះ គាត់បាននិយាយថា៖ ខ្ញុំបានសួរសំណួរនេះទៅកាន់រ៉ស៊ូលុលឡោះﷺ ហើយលោកបានឆ្លើយថា៖ “ចូរអ្នកក្រាបស៊ូជោតឲ្យបានច្រើន ព្រោះរាល់ពេលដែលអ្នកក្រាបស៊ូជោតដើម្បីអល់ឡោះម្តង ទ្រង់នឹងលើកតម្កើងឋានៈអ្នកមួយកម្រិត ហើយជម្រុះចោលបាបកម្មរបស់អ្នកមួយ”។ ម៉ាក់ហ្ទាន បាននិយាយថា៖ បន្ទាប់មក ខ្ញុំបានជួប អាពូអាត់ទើរហ្ទាក់ ហើយខ្ញុំបានសួរគាត់ គាត់ក៏បានប្រាប់ខ្ញុំដូចអ្វីដែលសាវហ្ពានបានប្រាប់ខ្ញុំដែរ។

[صحيح] [رواه مسلم]

الشرح

មានគេសួរណាពី ﷺ អំពីទង្វើដែលជាមូលហេតុនាំឲ្យបានចូលឋានសួគ៌ ឬក៏ទង្វើដែលអល់ឡោះជាម្ចាស់ទ្រង់ស្រឡាញ់បំផុត។ ពេលនោះ លោកបានឆ្លើយទៅកាន់អ្នកសួរថា៖ ចូរអ្នកប្រកាន់ខ្ជាប់នូវការក្រាបស៊ូជោតឲ្យបានច្រើន(សឡាតឲ្យបានច្រើន) ព្រោះរាល់ពេលដែលអ្នកក្រាបស៊ូជោតចំពោះអល់ឡោះមួយដង ទ្រង់នឹងលើកឋានៈរបស់អ្នកមួយកម្រិត និងលុបលាងកំហុសឆ្គងមួយចេញពីអ្នក។

فوائد الحديث

ជំរុញឲ្យមូស្លីមយកចិត្តទុកដាក់លើការសឡាត ទាំងសឡាតដែលជាកាតព្វកិច្ច(ហ្វើរទូ) និងសឡាតស្ម័គ្រចិត្ត(ស៊ូណិត) ដោយសារតែសឡាត គឺមានការក្រាបស៊ូជោត។

បង្ហាញពីការយល់ដឹងរបស់បណ្តាសហាហ្ពាត់ដែលថា ជាការពិតណាស់ គេមិនអាចទទួលបានឋានសួគ៌នោះឡើយ(ក្រោយពីក្តីមេត្តារបស់អល់ឡោះ) លើកលែងតែតាមរយៈការសាងទង្វើកុសល។

ការស៊ូជោតក្នុងការសឡាត គឺជាមូលហេតុដ៏ចម្បងមួយក្នុងការទទួលបានការលើកតម្កើងឋានៈ និងអភ័យទោសចំពោះបាបកម្មទាំងឡាយ។

التصنيفات

Virtue of Prayer