إعدادات العرض
''अल्लाहको लागि अत्यधिक सजदा गर्नुहोस्, किनकि तपाईंले गरेको हरेक सजदाप्रति अल्लाहले तपाईंको एक स्तर बढाउनुहुन्छ…
''अल्लाहको लागि अत्यधिक सजदा गर्नुहोस्, किनकि तपाईंले गरेको हरेक सजदाप्रति अल्लाहले तपाईंको एक स्तर बढाउनुहुन्छ र एक पाप मेटाउनुहुन्छ ।''
मादान बिन अबू तल्हा यामुरीले वर्णन गरेका छन्, मैले रसूल (सल्लल्लाहु अलैहि वसल्लम) को मुक्त गरिएको दास सौबानलाई भेटें र भने: मलाई एउटा यस्तो काम बताउनुहोस्, जुन मैले गरे भने अल्लाहले मलाई स्वर्गमा प्रवेश गर्नुहुन्छ । वा मैले भने: अल्लाहको नजरमा सबैभन्दा प्यारो कामबारे मलाई भन्नुहोस् । उनी चुप लागे । मैले फेरि प्रश्न सोध्दा उनी मौन बसे । जब मैले तेस्रो पटक प्रश्न दोहोर्याएँ, उनले भने: मैले रसूल सल्लल्लाहु अलैहि वसल्लमलाई यसबारे सोधेको थिएँ र उहाँले भन्नुभयो: ''अल्लाहको लागि अत्यधिक सजदा गर्नुहोस्, किनकि तपाईंले गरेको हरेक सजदाप्रति अल्लाहले तपाईंको एक स्तर बढाउनुहुन्छ र एक पाप मेटाउनुहुन्छ ।'' मादानले भने: त्यसपछि मैले अबू-दर्दा (रजियल्लाहु अन्हु) लाई भेटें र त्यही प्रश्न सोध्दा उनले पनि ठ्याक्कै सौबानले भने जस्तै जवाफ दिए ।
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල Hausa Kurdî Kiswahili Português தமிழ் دری অসমীয়া አማርኛ Svenska ไทย Yorùbá Кыргызча ગુજરાતી Română മലയാളം Nederlands Oromoo తెలుగు پښتوالشرح
नबी (सल्लल्लाहु अलैहि वसल्लम) लाई सोधियो : कुन काम गर्दा स्वर्गमा प्रवेश गर्न सकिन्छ वा अल्लाहलाई सबैभन्दा बढी मनपर्ने कुन काम हो ? नबी (सल्लल्लाहु अलैहि वसल्लम) ले प्रश्नकर्तालाई भन्नुभयो: सलाहमा अत्यधिक सजदा गर्नुहोस्, किनकि अल्लाहले तपाईंको हरेक सजदाप्रति एक दर्जा बढाउनुहुन्छ र पाप क्षमा गर्नुहुन्छ ।فوائد الحديث
मुस्लिमलाई फर्ज र नफल (स्वैच्छिक) सलाहमा लगनशील हुन आग्रह, किनकि यसमा सजदा समावेश छ ।
सहाबाहरूको न्यायशास्त्र र ज्ञान; बिना सत्कर्म (ईश्वरको कृपा पछि) स्वर्ग प्राप्त हुँदैन ।
सलाहमा दर्जा बढाउन र पापहरू क्षमा गर्न सबैभन्दा ठूलो कारण सज्दा गर्नु हो ।
التصنيفات
सलाहको सद्गुण