الشرح

داواکراوە کە نوێژخوێن بۆنی خۆش لە خۆی بدات، بەتایبەت ئەگەر بیەوێت نوێژ ئەنجامبدات لە مزگەوتەکان؛ بۆیە پێغەمبەر -صلى اللە علیە وسلم- فەرمانیکردووە بەو کەسانەى کە سیر وپیاز دەخۆن نەیەن بۆ مزگەوت بە هۆی ئەو بۆنە ناخۆشانەى لێیانەوە دەردەچێت، ودەبێت ئەو کەسە نوێژەکەى لە ماڵەوە ئەنجامبدات، هەتا بۆنەکەى نامێنێت، چونکە ئەم بۆنە دەبێتە هۆی بێزارکردنی مسوڵمانان و فریشتەکان. وکاتێک پێغەمبەر -صلى اللە علیە وسلم- مەنجەڵێکی بۆ هێنرا کە پاقلەمەنی وسەوزەی تێدابوو، هەستی بە بۆنێکی ناخۆش کرد، بۆیە فەرمانی کرد کە مەنجەڵەکە نزیک بکرێتەوە لە هاوەڵەکانى، ئەو کەسانەى ئامادەبوون وایان زانی ئەم خواردنانە حەرامە چونکە پێغەمبەر -صلى اللە علیە وسلم- حەزی نەکرد بیانخوات، گومانیان هەبوو لەوەى بیخۆن بەڵام پێغەمبەر -صلى اللە علیە وسلم- پێیانی فەرموو کە حەرام نییە، وحەزی نەکرد بیانخوات بە هۆی بۆنەکەیانەوە نەک بەهۆی ئەوەى کە حەرامن، فەرمانى پێیانکرد کە بیخۆن، وهەواڵی ئەوەى دا کە ڕێگر لە خواردنیان ئەوەیە کە پێغەمبەر -صلى اللە علیە وسلم- بەردەوام نوێژ ونزا دەکات وپەیوەندی ئەو لەگەڵ پەروەرگار وەکو پەیوەندی خەڵکی تر نییە، بۆیە پێویستە ئەو لەسەر باشترین شێوە وبۆن بێت لە کاتی نزیکبوونی لە پەروەردگاری، پاراستنی بەرژەوەندی گشتی بە دوورخستنەوەى ئازار لە مسوڵمانان لە پێشترە وەکو هێنانی بەرژەوەندی تاکە کەسی کە ئامادەبوونی نوێژی جەماعەتە، وئەمیش بووە هۆی ئەوەى کە عوزر بێت بۆ ئامادە نەبوون.