الشرح

Nanazava ny Mpaminany (S.A.W) fa raha misalasala ny amin'ny swalat ataony ny olona iray ka tsy mahalala hoe firy rakkat ny swalat vitany hoe telo sa efatra? Avelao izy hanala ny isa fanampiny izay mampisalasala ka tsy haka izany. Ireo telo ireo no azo antoka, ka manao raka’ah fahefatra izy, avy eo miankohoka indroa mialohan’ny salam famaranana. Raha efatra tokoa no rakaat vita; ka lasa dimy tamin’ny fanampin’ny raka’ah izany, ary nanao fiankohofana roa fanadinoana dia lasa hisolo ny rakkat izany, ka ny isa dia raka’ah roa, fa tsy raka’ah hafahafa: fa raha nanao raka’ah fanampiny efatra izy, dia efa nahavita izay tokony hataony tsy misy fanampiny na fanalana izy. Ny fiankohofana anankiroa amin’ny fanadinoana dia ny hanalana baraka an’i Satana sy fandresena ary fampodina azy ho amin’ny fahafaham-baraka ka hanalavitra ny faniriany. Satria nampisafotofoto ny swalat nataony izy, ary naharihariny tamin’ny fahalotoan’izany, ary feno tanteraka ny vavaky ny zanak’i Adama rehefa nanaraka ny didin’Allah ilay Tsitoha tamin'ny alàlan'ny fiankohofana, izay tsy nankatoavin’i Satana, rehefa tsy nety nankatò an’Allah tamin’ny fiankohofana tamin’i Adama izy.