إعدادات العرض
“Inona no manjo ny olona izay niteny izao sy izao? Fa Izaho kosa mivavaka sy matory, mifady hanina sy misakafo ary manambady vehivavy, ka izay miala amin’ny fomba amam-panaoko dia tsy anisan'ny miara-dia amiko”
“Inona no manjo ny olona izay niteny izao sy izao? Fa Izaho kosa mivavaka sy matory, mifady hanina sy misakafo ary manambady vehivavy, ka izay miala amin’ny fomba amam-panaoko dia tsy anisan'ny miara-dia amiko”
Tatitra azo avy tamin'i Anas (R.A) niteny : Fa nisy andian'ny mpanaradia ny Mpaminany (S.A.W) nanontany ny vadin'ny Mpaminany (S.A.W) momba ny asa atony amin'ny mangingina? Dia hoy ny sasany : Tsy hanambady vehivavy aho, ary hoy ny sasany : Tsy hihinana hena aho, ary hoy ny sasany : Tsy hatory am-pandriana aho. Koa nidera sy nisaotra an’Allah i Mpaminany (S.A.W) dia niteny manao hoe : “Inona no manjo ny olona izay niteny izao sy izao? Fa Izaho kosa mivavaka sy matory, mifady hanina sy misakafo ary manambady vehivavy, ka izay miala amin’ny fomba amam-panaoko dia tsy anisan'ny miara-dia amiko”.
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Kurdî Português සිංහල Kiswahili অসমীয়া Tiếng Việt ગુજરાતી Nederlands Hausa മലയാളം Română Magyar ქართული Moore ไทย Македонски తెలుగు मराठी ਪੰਜਾਬੀ دری አማርኛالشرح
Tonga tao amin'ny tranon'ny vadin'ny Mpaminany (S.A.W) ireo vondron'ny mpanaradia, nanontany momba ny fanompoam-pivavahana mangingina izay ataon'ny Mpaminany (S.A.W) tao an-tranony, ka rehefa naheno izany izy ireo dia nihevitra hanao bebe kokoa mihoatra izany ka niteny manao hoe : Aiza ny fifandraisantsika amin'ny Mpaminany (S.A.W)? Efa voavela ny fahotany taloha sy ny ho avy, fa tsy toy ilay tsy mahalala fa efa tonga taminy ny famelan-keloka, ka mila mihoa-pefy amin’ny fanompoana izy amin’ny fanantenana hahazoany izany. Dia hoy ny sasany : Tsy hanambady vehivavy aho. Hoy ny sasany : Tsy hihinana hena aho. Hoy ny sasany tamin’izy ireo : Tsy hatory eo am-pandriana aho. Tonga tamin’ny Mpaminany izany, ka tezitra izy ka nitory teny tamin’ny olona, niatomboka tamin'ny fisaorana an'Allah sy ny fiderana Azy, avy eo dia niteny manao hoe : Ahoana ny amin'ny olona niteny an'izao sy izao?! Mianiana amin'Allah aho fa izaho no matahotra an'Allah indrindra sy masina indrindra aminareo, saingy matory aho mba hahazo hery hivavaka, ary manapaka ny fifadian-kanina aho mba hahazoana hery hifady hanina, ary manambady ireo vehivavy, ka izay mivily amin'ny làlako ary mahita ny fahafenoana amin'ny zavatra hafa, sy manaraka ny fomban'olon-kafa, dia tsy anisan'ny mpanaradiako.فوائد الحديث
Fitiavan’ny mpanaradia (R.A) ny hatsarana sy ny faniriany izany ary ny fanarahany an'ny Mpaminaniny (S.A.W).
Ny fahatsarana sy ny fahamoran' ity lalàna Sharia ity, izay maka ny asa avy amin'ny fitarihan'ny Mpaminany ao aminy.
Ny hatsarana sy ny fahasoavana dia amin'ny fanarahana ny Mpaminany (S.A.W) sy ny fanarahana ny fepetra mendrika ananany.
Mandrara ny tsy hanery tena amin'ny asa fanompoana mihoatra izay zakany, ary izany no zava-misy amin'ireo mpamorona.
Hoy I Ibn Hajar : Ny fandraisana henjana amin'ny fanompoana dia mitarika ho amin'ny fahasorenana izay miala amin'ny niandohany, ary tokony hijanona amin'ny voafetra amin'ny adidy tsy maintsy atao, ary ny fialana amin'ny fanompoana an-tsitrapo dia mitarika ho amin'ny fidonanaham-poana, ny tsy fahavitrihana amin'ny fivavahana, ary ny zavatra tsara indrindra dia ny afovoany.
Tafiditra ao anatin’izany ny fanarahana ny fepetran’ireo nialoha làlana mba hanarahana ny ataony, ary raha tsy azo fantarina amin’ny lehilahy izany dia azo atao ny mikaroka izany amin’ny vehivavy.
Tafiditra ao anatin’izany ny fananarana sy ny fanolorana olan’ny fahalalana, ny fanazavana ny didy ho an’izay tompon’andraikitra, ary ny fanesorana ny fisalasalana amin’ireo manam-pahaizana mazoto.
Ny baiko mba hanao tsotsotra amin'ny fanompoana sady mitahiry izany ary ny vavaka tsy maintsy atao sy an-tsitrapo. Mba handinihan'ny mpino silamo ny zon'ny hafa.
Ny hadith dia manondro ny hatsaran'ny fanambadiana sy ny famporisihana izany.