إعدادات العرض
Ned ning sẽn tẽegd a Soabã yʋʋrã yellã, la ned ning sẽn ka tẽegdã, yaa wala vɩt la kiida
Ned ning sẽn tẽegd a Soabã yʋʋrã yellã, la ned ning sẽn ka tẽegdã, yaa wala vɩt la kiida
Yii a Abɩɩ Muusa nengẽ (Wẽnd yard be a yĩnga) a yeelame: Nabiyaamã, (Wẽnd pʋʋsg la A tɩlgr be a yĩnga) yeelame: «Ned ning sẽn tẽegd a Soabã yʋʋrã yellã, la ned ning sẽn ka tẽegdã, yaa wala vɩt la kiida» la a Muslim gom-bill pʋgẽ «Zak ning sẽn tẽegd Wẽnd yʋʋrã yellã a pʋgẽ wã, la zak ning b sẽn ka tẽegd Wẽnd yʋʋrã a pʋgẽ wã, yaa wala vɩt la kiida».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Kiswahili Português සිංහල Nederlands Tiếng Việt অসমীয়া ગુજરાતી پښتو മലയാളം नेपाली Magyar ქართული తెలుగు Македонски Svenska Românăالشرح
Nabiyaamã (Wẽnd pʋʋsg la A tɩlgr be a yĩngɑ) vẽnegdame n wilgdẽ, welgr ning sẽn be ned sẽn tẽegd Wẽnd yʋʋrã (A Naam zẽk yã) la ned ning sẽn ka tẽegd Wẽnd yʋʋrã, yaa wala vɩt ne kiida, a nafrẽ wã la a vẽnegrã rasãndem, a yɩnga yaa sẽn faas ne vɩɩmã nuura, t'a pʋgẽ wã tar vẽenem ne bãngre. La sẽn ka tẽegda Wẽnd yʋʋrã yaa wala kũum ninga a yɩngã ka tar sẽn na n maanega, a pʋgẽ wã me ka tar sẽn na n maanega, nafa me ka be a pʋgẽ. Woto bal la zaka, b sɩfd-a lame ne vɩɩm t'a zĩidbã sã n yaa Wẽnd tẽegdba, sã n ka rẽ yaa zak kɩɩnga, ne nebã sẽn tar kʋɩɩng n yi Wẽnd yʋʋrã tẽegre; baa tɩ sã n rɩk vɩɩmã la kũumã n sɩf zakã, b sẽn ratã yaa zakã zĩidba.فوائد الحديث
Wilgdame tɩ b pirsdame ne Wẽnd yʋʋrã tẽegre la b bugsd n yi maan yam yaal-yaal n bas-a.
Wẽnd yʋʋrã tẽegre la yõorã vɩɩm, yaa wala yõorã me sẽn yaa yĩngã vɩɩmã.
Sẽn be Nabiyaamã (Wẽnd pʋʋsg la A tɩlgr be a yĩngɑ) kãndgrã pʋgẽ yaa bilg-n-taar maanego sẽn na pẽneg maanã-rãmbã tɩ nebã faseme.
Limaam An-nawawiy yeelame: be a pʋgẽ b sẽn bʋ nonglem tɩ b tẽeg Wẽnd yʋʋrã (A Naam zẽk yã) zakẽ wã, la zak ka sõmb n beẽ tɩ Wẽnd yʋʋr tẽegr ka be ye.
Limaam An-Nawawiy (Wẽnd na yols-a) a yeelame: bee hadiisã pʋgẽ sẽn wilgd tɩ yõor woglem Wẽnd tũudmã pʋga a yaa yɩɩdlem, baa tɩ sã n mikame tɩ kiid sã n wa yit dũni yaa sõma zĩigẽ la a sẽn rabdã, bala vɩtã me na n wa paama yẽnda n wa yɩɩg yẽnda ne a sẽn tʋm yãwã loogr poorẽ wã.
التصنيفات
Benefits of Remembering Allah