الشرح

واتای فەرموودەکە: ئەوەی یادی خودا بکات؛ ئەوا خوای گەورە دڵی زیندوو دەکاتەوە بەهۆی زیکرەوە وسینگی فراوان وئاسوودە دەکات، ئەم کەسە وەکو کەسێکی زیندوو وایە بەهۆی بەردەوام بوونی لە یادی خودا، بە پێچەوانەی ئەو کەسەی کە یاد وزیکری خودا ناکات، وەکو کەسێکی مردوو وایە کە بوونی نییە، لاشەی زیندووە بەڵام دڵی مردووە. وئەمەش لێکدانەوەی نمونەیەکە کە پێویستە مرۆڤ پەندی لێوەربگرێت وبزانێت هەرکاتێک کە بێ ئاگا وغافڵ بوو لە یادی خودا؛ ئەوا دڵی ڕەق دەبێت ولەوەیە دڵی بمرێت پەنا بە خودا. خوای گەورە دەفەرموێت: {أَوَمَن كَانَ مَيۡتٗا فَأَحۡيَيۡنَٰهُ وَجَعَلۡنَا لَهُۥ نُورٗا يَمۡشِي بِهِۦ فِي ٱلنَّاسِ كَمَن مَّثَلُهُۥ فِي ٱلظُّلُمَٰتِ لَيۡسَ بِخَارِجٖ مِّنۡهَاۚ ...} [الأنعام: 122]، واته: {ئایا کەسێک کە مردوو بێت (واتە: بێ بڕوا بێت) وئێمە زیندوومان کردەوە (ھیدایەتماندا) وڕووناکیەکمان بۆ فەراھەم ھێنا (کە قورئانە) بە ھۆی ئەوەوە لەناو خەڵکیدا دەگەڕێ ودەڕوات ئایا وەک ئەوە وایە کە لە ناو تاریکستانێکدا بێت کە بە ھیچ جۆرێک دەرچوونی نیە...}.